اليتيمة…
Dorsaf Abassi - درصاف العباسياليتيمة في مجتمعنا مسكينة
بالرغم إلي ماتحبش تسمع كلمة مسكينة
يقلك اليتيم يتيم الأم أما حتى اليتيم يتيم البو
خاصة كي يبدى معندهاش حتى خو
و هي أشرف و انضف من ألف وحدة عندها البو و الخو
اليتيمة لحمها يتاكل و يطيش
تي ماهي يتيمة ماعندها شكون يحكم فيها تخرج و تفيش
اليتيمة تولي غاية كان لزم تتشد بالسيف تكون الوسيلة
قال شنوا الغاية تبرر الوسيلة
اليتيمة في نضرهم هاملة و عاهرة
لين تقرر و تولي عاهرة
مع سبق الإصرار و الترصد
و الذيوبة تبدا فيها تترصد
و يتحكم عليها بالضياع المؤبد مع النفاذ العاجل
وهو كان عاطي ربي من حكم الناس عليها تتعالج ...
بقلم درصاف العباسي
Website Design Brisbane