... الى أن أجد عنوانا

Syrine Rhouma - سيرين رحومة

يدين تشابكت في العلا

و أصوات في الشّارع تتعالى

قلوب بحب البلاد سكارى

و عقول على مصيرها حيارى

درّابو من يد ال يد يترمى

و كلمة تونس بيها الفم تملا

صاحو على جال الحقّ الّي تنسا

و هموم الزّوالي الكْثارى

فيهم الّي مالهمّ بكى

فيهم الّي من التفركيس عل الخبزة عيا

فيهم الّي للحريّة عمرو فنى

و فيهم الّي على راية تونس غيارى

الشّعب دمعتو عل الخد منسيّة

وكبدتو على البلاد مشويّة

لمّوا بعضهم من كل ثنيّة

و صاحوا

"اليوم تسقط الدّكتاتوريّة"

و منذ أن هلّ علينا ذاك اليوم الملعون

و نحن على تراب أرضنا مغتربون

نبحث عن الأمن و هم في قصورهم ينعمون

نكدح و نشقى , نبحث عن الحريّة و الحياة و بهما لا نحظى

و هم بالمسرّة مفعمون

أسئلكم يا من بالمذّلة قانعون

أنحن على حالنا باقون ؟

و لأوامرهم خاضعون ؟

و نزيد نسألكم ..

لوقتاش باش نبقاو لقمعهم راضخينِ؟

لوقتاش باش نبقاو لدمعة أم الشّهيد ناسين ؟

لوقتاش في حقنا باش نبقاو مسلّمين ؟

و لوقتاش على هل الارهاب و خنّار الأحزاب و اقصاء الشّباب , ساكتين؟

كلّها أسئلة كالمطارق في صدغي

يزيد ثقلها على أثقالي

تشوّش أفكاري , ترفع من ساعات أرقي

و تملأ فؤادي حزنا على وطني

و أتوجّه في الأخير للذّين حسبوا أنّهم في العلا مستقرّون

على السّلطة يتكالبون و للجهل عابدون

أبشّركم يا من لوطنكم خائنين

أنّكم لفي الدّجى قاعدين

أنّكم الى عهد العذاب قادمين

و أنّكم على فعلكم لنادمين نادمين

سنسقي أرضنا حريّة و نقطع منها جذور الأسى

سنزرعها ورودًا و سنحقّق بها المنى

فحذاري من غضبنا

حذاري من ثورتنا

فنحن لا محالة منتصرين منتصرين

بقلم
ســـيـــريـــن رحــــومــــة