الواقع مر

Maryem Ayari - مريم العياري

شبيك متشائمة و ديما مسكرتها .متمنش بالحب و حتى قلبك محبش يتحل

-مانيش متشائمة اما الواقع مر

مانيش متشائمة اما الي شفتو مخلليش غير التشاؤم حل

صاحبتي هدها الحب ،المغبونة سارحة بعينيها مالوجايع القلب هايم و العمر ضايع

تبكي و تتامل و تعرف الي دمع مش حل اما مفماش دوا ينحي عليها الغل

كيفاش تحبني نجرب نحب !

لا لا حبكم ميواتينيش ،خليني نعيش بمخي عالاقل ما يذلنيش في وقت الشدة يحميني و ميخلينيش

منحبش نضيع عمري بين الدمع و التنهيدة

أصلا شنية فايدة الحب كان ميقدمش بيك القدام ،يعيشك في دنيا الأحلام و يملى الحياة ألوان

مانيش متشائمة اما الواقع مر

الحب مش كيما الي قريتو في الكتب و لا كيما الي ريتو في السينما و الأفلام

الحب ثنية كلها شوك و حفر

بقلم مريم العياري