ساعات الهروب ما يهزناش لبعيد ، ساعات الحاجة الي كانت تفرحك ما تخليكش فرحان ... تخليك تبكي و ماتناسيك في شئ ، شنيا قيمة النجمة من غير ليل ؟

شنياا قيمة الكلمة من غير احساس و بسمة ، شنيا قيمة الفن من غير قصيدة و لا موسيقى ... شنياا القيمة في الهروب ، شنيا المطلوب ؟ قالوا مكتوب .. قالو محسوب ، الهروب منك لروحك ، مش ممكن جروحك ... ممكن الهروب منك ليه ... تناديه ، تقلوا يا أنت ، شتحب !! احكي و هااات اش عندك ، فرغ قلبك ... ساعات الهروب ما يهزنااش لبعيد ... ساعات يرجعناا للي يفرحناا ، للي على النااس يبعدناا ... للي في الدنياا يرفعناا ... للي يجبر الكسر إلي وجعناا

ساعات الهروب .. يكون رجوع .. و ساعات بااش تعبي قلبك فرحة .. لازمك تنطفو بالدموع .،، في سجدة و لا في ركوع  ،،، في ليل من ليلي ، تضوي دنيتي شموع ، نشعل أياامي بلياليهاا ... تذكرني .. نعم .. كنت نسيني في طريق الهروب .. وتقلي أنو اخر طريقك رجوع