حد مايعرف قيمة الفقد كان زوز اْم تخسر ولدها ولا ولد خسر اْمو. الدموع اللي تهبط من عينيهم مش كاْي دموع مع كل دمعة تهبط . تهبط ذكرى و وجيعة و حكاية بينات ثنين .. كينو نهار اكحل و صعيب كان الشمس تعاود تزرق قي سماء عمركش سمعت بسحابة متهبطش مطر ولا القمرة ماتولدش النجوم . ولا حكاية تتقصلك في النص لا تعرف تقدم لا توخر

حد مايعرف قيمة الوجيعة كان ام خسرت ولدها و بالاخص كي تبدا بانيا معاه احلام و لا حد يعرف قيمة الوقت كان مرا على ابواب ولادة تستنى باش ترا ولدها بالدقيقة و الدرج و وقت الي تراه تنسى وجيعة الكل و كي تحملو تنسى الناس الي دايرين باها

اول نهار حسيتك تحرك في كرشي ماصدقتش حسيت الدنيا عطاتني كل شيء وعوضتني على سنين عمري الي خسرتهم من نهارت الي حسيت الي انا هازه روح في كرشي و كل نهار يزيد قاعدة تكبر و كل نهار احلامي تكبر معاك .. في ليلة مالليالي سمعتك تناديلي

ليوم انا فخورة بيك من قبل ماتجي عرفت الي انت باش تعوضلي تعب سنين نحب نحملك و نبوسلك سقيك الصغيرة .. نحب في نهار نحكي لناس الي انت نطقت باول كلمة و عيطلي ماما . خترتلك اسم و شريتلك حوايج نحب نحملك انا و بوك و نجريو احنا الثلاثة نستنى في النهار الي باش نمشطلك شعرط و نهزك للمكتب بنيت معاك برشا احلام و ستنيت شهور فيبالي باش تجي فيبالي باش نعلمك ترسم و نرسمو احلامك حلم ورا حلم و نزينوهم

المرا الي حكيتلكم عليها ما الاول الي ام فقدت بينتها هيا انا .. تمنيت نعطيها عمري و روحي و تجي هيا لدنيا و نمشي انا .. نهارت الي فقت و ما حسيتهاش تتحرك في كرشي كان نهار مغيم و من وقتها حياتي مغيمة .. ماتعرفوش قيمة الفقد وقت الي ام تفقد اول طفل تجيبو لدنيا .. والي الدنيا وراتها وجها الباهي و عاودت ذوقتها وجها الثاني .. لاتدركون ماقيمة الشيء الا عندما تفقدينه .. لاتدركون ماقيمة فجيعة ام خسرت ابنتها