العيشة بالفرحة مش بالأوهام
Maryem Ayari - مريم العياريتجي تشوف كتيبتك تلقى روحك تكتب كان هالحب و المحبة و مواصفات فارس الأحلام ،العيشة بالفرحة مش بالأوهام
كي تجي تشوف حياتك تلقى روحك سكيزوفران ، لا حبيت و لا تحبيت كلام الحب في عيشتك مالوش لا مكان و لا زمان
خاطر منحبش فارس على حصان ابيض و لا على كرهبة بي م
لا مزيان و لا جيبو بالفلوس مليان
مخو فارغ يخمم كان في الفرش و الفخض العريان ، لا يفهم في كتيبة و لا عندو وسع بال للكتب و الأحلام
نحبو فارس يحب المشي عالساقين في زناقي المدينة ،سيدي بو ونهج الدباغين
نحب قلبو مزيان و في مخو فنان يقرى لكتيبة مغير كلام ، يحس كل كلمة و حرف كان لزم يقراها بالألحان
يقرى ما بين السطور الي تحكي عليه و توصف عينيه
عينيه الي كي يشوفوني يلمعو فرحانين و نبدا بين يديه يضحكو زاهين
منحبش فارس يخمم كان في المستقبل و الدار و العرس و الصغار
نحبو يعيش معايا الحاضر بالهبال و الخنار
أصلا شكون قلك نحب على عرس سبعة ايام و سبعة ليالي ،حنة للعنكوش و روبة تتكركر من تالي !!
شكون قلك نحب دار بالفايونس و الرخام و الشبابك بلار ،واسعة بش يلعبو فيها الصغار !
مش قتلك يلزم تقرى كتيبتي الي تحكي ع كوخ اللوح في بخلاصة خلا و قفار و على كرهي لجيبان الصغار
ايجا نشدو يدين بعضنا و نهربوا !!
لا لا منهريوش نهبطو لشارع حبيب. بورقيبة و منخافًوش
نتضاهرو ،نثورو ع النظام و منترددوش
يدي في يدك نصيحو ،نتضربو و منتعبوش
ندافعو عال عدل و الحرية و نرجعو فلسطين الي اغتصبوها صبية
سوريا بنية
و تونس مرا مقدية
ايجا يا فارس الأحلام نغنيلك لام كلثوم ،وردة و اسمهان
ايجا عنقني ،غفسني للي بين يديك معادش نبان
ايجا حطني في عينيك و انا ندخلك لقلبي و نسكر عليك
بقلم مريم العياري
Website Design Brisbane