التوا نفركس فيك
Nawres Ben Amara - نورس بن عمارةوينك روحت وما لقيتكش
لوجت عليك في عينيهم وما ريتكش
قالولي مشاة وعند ربي تهنات
وينك ما قعدلي بعدك حد
وينك التوا ما عزيت روحي فيك
لتوى ما صدقت لي إنت مشيت
ندعي لربي بش نخلط عليك
نبوسك من جبينك ويديك ونقولك الجنة راهي تحت ساقيك
وينك يامي راني نفركس فيك
ونعدي الليل نبكي عليك
بعدك ما قعدليش حبيب
بعدك ما دافاني حد وما وساني حد
اليتيمة عيطولي احبوا اذلوني وعندهم إخدموني
على خاطرك مشيت
الله يسامح المرض إلي عملها بيك
لي رزاني فيك وحرمني من خزرة عينيك
وخطفلك روحك وبعدني عليك
وينك إقولو إلي الميت احس بيك
قاعدة إنت تحس بوجيعة بنتك عليك
قاعدة ترى في دموعي لهابطة عليك
وقلبي إلي ما ادق كان ليك
قلي ، جاوبني ، م تسكتش سمعني صوتك عندي برشة ما سمعتوش
هنيني وقلي راك معايا رتحني وحسسني لي إنت حذايا
وينك يامي أرجع نتسامحو أرجع حملني كي قبل واسيني كي قبل
أرجع قلي لي انتي في ها الدنيا بش تمشي وتخليني
وينك يامي راني التوا نفركس فيك
لتوى نادمة على كل ثانية عديتها بعيدة عليك
نورس بن عمارة
Website Design Brisbane