الباك و خذيتو
Wided Zidi - وداد الزيدي
جارتنا: توا الباك و خذيتو مازال الراجل
أنا: لا مازلت نحب نكل قرايتي منيش نخمم في الأمور هذي توا
جارتنا: كفاه يا بنيتي مصيرك تشد الدار و تتلها بصغارك و براجلك
أنا: مصيري نقررو أنا مش حد آخر أنا نحب نكبر و نبني مستقبلي بإيدي و نحقق أحلامي
جارتنا: الراجل هو إلي يحققلك أحلامك و يحلك في الجنه ذراع
أنا: إي و بعد يحللي راسي و يذلني عالمصروف إلي يعطيهولي و أحلامي نحققها وحدي مننستناش شكون يحققهالي
جارتنا: عاد إنت قاريه يقدرك و يحترمك
أنا: يزيد يقدرني أكثر كي نخدم و نشارك معاه في مصروف الدار
جارتنا: أنا منفهم شي الطفله لازمها السترة
أنا: الحمدالله مستورة و معنديش لا زايد لا ناقص
جارتنا: نعرف يا بنيتي يضربو بيك المثل في الأخلاق أما ميدوملك كان مولى بيتك بعد أمك و بوك
أنا: تدوملي زاده شهادتي وخدمتي وإفرض عريس الغفله طلقني شنعمل وقتها؟ نمد إيدي؟ منين بش نصرف؟
جارتنا: سبق الخير يا بنيتي
أنا: الواحد لازم يقرا حساب الإحتمالات الكل و كيما قالو ناس بكري الرجال و الزمان مفيهمش أمان
بقلم وداد الزيدي
Website Design Brisbane