الأصحاب،، كلمة كبيرة وميستاهلوهاش كمشة حصلحجية،، الناس اللي ياقفوا معاك اليوم مصيرهم يدورو عليك في أول فرصة،، والا خلينا نقزلز بعد ما يقضوا مصالحهم بيك يطيشوك،، يمكن غلطة كبيرة أنو تتبدل العالاقة من اصحاب ، لأحباب ،،

خايب الحب بين زوز كانو أكثر من اخوة ،، حب بين مرا وراجل مش حب أخوي ، هذا اللي صار ، صديقي تخلى عليا خاطر يحبني وانا نحب غيروا ،، صديقي اللي حاربت على خاطرو وتعبت وبكيت ،، صديقي اللي يحملني ويمسحلي دمعت عينيا ،،

خلاني اليوم وحدي خاطر منجمتش نستوعب علاقة أكثر من كوننا نكونو اصدقاء،،،نتذكر أول مرة عرفتو ،، حبو يفرقونا ، منجموش وبقينا ثلاثة سنين مع بعضنا ،اعز صحاب ، لين غارو من صحبتنا ،، كان الخو والصاحب ، ميخلي حد يقربلي، كان الصديق اللي ديما معايا في فرحتي والا حزني، تبدل لين معاش نعرفوا ،، اليوم عيد ميلادي ،، تذكرني بجرد مساج ، هه ، يا حسرة كي كان يطمان عليا و تو السلام يقولها بالسيف،، والله توجع كي تخسر أعز صاحب على خاطر الحب