اكتب
Nesrine Chermiti - نسرين الشرميطياكتب..
وقتلي النوم يجافيني..وفي وسط الهموم يرميني
تسكن راسي،تصاور ناس ماهم ناسي
التنهيدة في جرة التنهيدة
و الدمعة على الخد سكيبة
من دمعة في كاس لبحر هلواس
و الروح ضايعة مني،عليا غريبة..
نجري،نصيح من تركينة لتركينة
نلوج على شكون يطمني بكليمة
ما نلقى حد..وفي لحظة قوايمي تتهد
ما نلقى كان القلم يواسيني
يمسحلي في دمعة عيني
و على غفلة مني يقلي اكتب..
اكتب ماتخافش راني كاتم سرك
أنا صاحبك وقت شدتك وهمك
اكتب..اكتب حتى الحروف تفد منك
حتى ترجع التبسيمة لفمك
اكتب..اكتب لروحك و دواي وحدك جروحك
اكتب في الكتيبة تحل قدامك بواب جديدة
و تلقى روحك الي نسيتها توا مديدة
اكتب في الكتيبة تشوف عيوبك
و تعرف الي الحقيقة،طول عمرها متخبية في مكتوبك
اكتب ...
نسرين الشرميطي
Website Design Brisbane