استناس
Rim Wrak - ريم ورقو شرايك كان نبيتو الحس
و نخلقلك من وسط النجوم ثنية و نجيك كنس كنس
ماو فيبالك ستانست حروفك نجس
و الجارة على شباكك تعس
و القمرة عفست عالجمرة من غير ماتحس
خاتر كلامك يخلي الواحد يطلع لسابع سماء
يرجع القمح لقلب الرحى
و لوجهك ضحكة فيها قلبي يشتهى
و كيما رجعت الزيتونة لشجرتها
و بعد مامشيت في دفينتها
و قتلك ماك دايا
يزي تخنقت ماعاد تسرقلي هوايا
سامحني ساعات نولي نسايا
و ننسى لوراقي نحكيك
و نحطك في جواب مسكر
منقوش بفيانة
و حتى مالريحة معطر
خليه مديدة في صندوقي يتغبّر
يمكن يتبدل الحديث و يتعلم يتبع خطاويك و يعبّر
فرود زواز
و شكون سبق و خد الاخر باس
و القطرة لي فيضت الكاس
و الحكاية بسيطة
شوية ممارسة و استناس
ريم ورق
Website Design Brisbane