إيجا

Amel Oueslati - أمل الوسلاتي

البدن مثلج و القلب مبلج ..

إيجا نسرقو النجمة بكلمة. إيجا بالكلمة بالكلمة نحققو هالحلمة.

يا ادم إيجا نسرقو النجمة بغناية و نكملو هالرواية..

بحبي بوح و رجع الضحكة للروح، يزيك مالسكات! خرج الاصوات

راني تعبت و حنت عليا الأموات !

إيجا ما زال عندي منوري ، تهبل كان نزيد نعري

أما قلبي صافي و ما يحلالك خلافي.

أنا حوا و مانجمش نكون خنساء إلي نتحرت و لا عبلة إلي تذبحت

أنا حوا إلي فيك تذوب حواء إلي لعمرها ما توب !

عشقي مرمار و انا ندرجح بين الجنة و النار.

إيجا نتجاوزو البشرية . إيجا نصنعو عقلية ،

عقلية جديدة بعيدة عالرجعية.

أنا حواء ..

إيجا هوني و يزينا مالكلام الدوني ..

أنا ليك عشيرة و أحلامي أحلام طفلة غشيرة.

و منك كلمة تحققلي الحلمة ! حلمة دمعة تسرقت و شمعة تحرقت

بقلم
أمل الوسلاتي