إلى سبيل الجهاد 40 يوم
Ameni Haddad - أماني حداد
Feu rouge عرفناهم يحرقوا فل
Lambardouzaعلموهم يحرقوا لل
يخي حرقوا رواحهم
وتوا يحرقولنا في مخاخنا
وصلوا لقلوبنا و حرقولهم كبدهم
المواطن ولا كتلة عقد نفسية
يمشي واقف ؛ يفيق راقد "نم... نم"
يرقد فايق ؛ يحكي سكوت
نور عينيه كحلة ؛ ريحة لبلاد تشوشيط
الأنا تلعب مع الانا الأعلى و الانا الأعلى يجب فالشبوك مع الهو
لا يعرفوا لا فرويد و لا البسيكولغ ولا يعرفوا قيمة البسيكياتر
راهو إلي يفرغ قلبو ؛ و مخو موش عيب !!
ما ذبية أنا نهار نتمد على الشزلنغ قدامه
نبدى نحكيلوا وهو يمركي في الفيزيتا ساعات ساعات ...
أنا مانعياش كيف نحكي ؛ نكسر الراس ، نغنغ
علاكة نكتب ؛ حتى قلمي لا يتعب ولا يوفى
يحكي معايا ويقلي زيدني مانيش فاهمك أما اطلقي العنان
أمام حرية الأكبال ؛ حبس الجنس ؛ مرنا قية القهاوي
بلفدير الجامعات ؛ كوري المدارس ؛ قاعدة الجوامع
هو قال : تونس و الحمد لله ما عندهاش رصيد عندنا كان ذكاءنا
رصيد ها هو الذكاء وهوما جاو اعداء » للذكاء التونسي « ش.ب
رصيدك لسانك شنوا يخرج و اقناعك لشنوا يوصل
زاد قال بثقافة : !! أسكت كلمة ثقافة راهي كلمة زايدة ؟
قال : عنا خيرة من خيرة الناس ربا تها أمنا تونس
محمد بن عرفة الورغمي من 500 سنة حرم العبودية
هوما في سنة وحدة عيشونا فالجاهلية
أول دستور وضعي عنا نحنا في كامل الوطن العربي
هوما أول تشكيلة تكتب في دستور جاية مل المريخ المسطك
" الخيال الشعري عند العرب "
ولينا مانحس رواحنا عايشين كان في خيالنا : فصعة ميتا فيزيقية
الامام العلامة محمد الطاهر عاشور دون "أكبر حركة تنوير و تحرير
"
و هوما جابولنا "حركة نهقة و تكركير
"
" حركة جهاد وتجوبير "
حركة اغتيال و تمزبيل "
... حرية ؛ كرامة ؛ وطنية …
قلنا حرية و تحرر ؛ قالولنا نهزوكم تحرروا فلسطين و سوريا
قلنا كرامة وإنسانية ؛ قالولنا اطلعوا احرقوا رواحكم وسط الثنية
قلنا وطنية و ديمقراطية ؛ قالولنا خلينا نلعبوا بها شوية وكيف يوفى الطرح تعيشوا في حرب أهلية
و موش قلكم هو من الاول راهم اعداء » للذكاء التونسي « ش.ب
والدين كبدها مشوية ؛ لحم عباد أكحل فتراب الجمهورية ؛
الروح ولات كيف السبولة في قايلة جويلية
خلطنا ف عمرنا هذا على أهل قريش ؛ وتحضيرات لغزوة بدر و أحد
جابولنا التاريخ و عندهم قوة تكركر فينا بالتوالي
إنتبه ! شعب سريع الإلتهاب
خطر ! موت على يدينا وسكوتور
حلال و حرام لا يجوز! طهروا ؛ انكحوا ؛ وموتوا بغيضكم
و جيناهاشي فاللخر " ولات المحاماة حرام "
إلي يمسلي أحلامي ؛
يتعدى على خيالي
؛ يقرب لطموحاتي ؛
يجرحلي مشاعري
؛ ويوترلي حبل أفكاري
نقول رد بالك رهو
هذا هو سبيل جهادي
إ لى سبيل الجهاد
أماني حداد
Website Design Brisbane