تحبّو تخوفونا ؟

لا متنجّموش

تحبّو تقلّقونا ؟

لا متنجّموش

تحبّو تفهمونا إلّي راكم سيطرتو على بلادنا و باش تستعمرونا ؟

لا متنجّموش

تحبّو توصّلونا إلّي نتوما تنجّمو تخترقو أي جهة حتّى الأمن موش سالم ؟

لا متنجّموش

تحبّو تقضيولنا على أحلامنا الورديّة ، إلّي فيها تونس بيضاء بيسمينها و بشعبها المثقّف

لا متنجّموش

تحبّونا نقبلوكم باش ترميونا في بركة من الدمّ !

لا متنجّموش

تحبّونا نسامحوكم بآسم الإسلام و أنتم لا تفقهون منه شيئا !

لا متنجّموش

تحبّونا نقبلو علم ابيض و اكحل و لباس أفغاني و معتقدات دخيلة علينا ؟

لا متنجّموش

تحبّونا نركعو و نصلّيو و نحتّو فولارة فوق ريوسنا خاطر نتوما باش تفرضو علينا و ليس خوفا من ربّ العباد ؟

لا متنجّموش

نتوما حبّو و حبّو و حبّو أمّا أحنا موش باش نخلّيوكم تتمتّعو و لا لحظة بلذّة الإنتصار . يدّ وحدة باش نقدّمو ببلادنا و نخرجو و نفرحو و ماكم باش تسمعو كان الزّغاريد