أنا وهي رجعنا !
Raoua Ben Chalbia - روعة بن شلبيّةأنا و هي رجعنا !
أنا ؟
مزلت موجوعة
مهمومة ،
و نزيدك زيادة مصدومة !
هي ؟
ما عاد عندها ما تعلّق!
حلمها تحققّ
و في سماك تحلّق !
أنا ؟
شادّة تركينتي ، بالعة سكّينتي
أمّا مزّلت نعلّق
و بإسمك نشريق !
هي ؟
فرحانة بلقاك
ماشيتلك بهواك ، تصول و تجول في سماك
قلبها يدقّ و يقول اااه ما أبهاك
أنا ؟
نحلم بيك
بيها ، بينا
توحّشتك ، توحّشتها و توحّشت نشوف روحي معاكم !
هي ؟
وفا كلامي علاها
خاطرها بحذاك
ما وفاتش بوعدها
خلاّتنا و مشات...
روعة بن شلبيّة
Website Design Brisbane