كلمة قالتهالي أمي رد بالك تكون أمي أقرا و تعلم و على حقك تكلم و في حياتك تقدم في حقك عمرك ما تسلم الجهل مصيبة و أنا نحب بنتي طبيبة نحب بنتي بخدمتها و متستناش راجل يذلها على لقمتها شهادتك هي سلاحك و مفتاح نجاحك

ما تقولش عالراجل المصروف يجي نهار و يعطيك كفوف وقتها ما عندكش الحق تشكي و ما عندك لشكون تحكي ياخذك لحم و يرميك عظم و ما يفيد الندم فيق و يزي مالريق و العرس عمرو ما كان الحل متعديش حياتك بين الخيشة و السطل خمم بالعقل المرا بلا شهريه تضيع في الثنيه لا قيمه لا قدر ومن الراجل تتذل

إخدم بلادك ما تخدمش العباد إنت إلي تقرر مصيرك مش حد آخر لوج على بلاصتك في هالبلاد و ما تقولش الحال كساد عمل على روحك و ضمد جروحك العلم يحلك ثنيه في البحر و بين الناس يعطيك قدر ما يخليكش تعفس عالجمر كلامي إلكل طفلة ناويه تبطل قرايتها و تشد جنب ميمتها نقلها رد بالك تعمل هالعمله و إلا تتكبر على النعمه ربي قال: <هل يستوي اللذين يعلمون و اللذين لا يعلمون>و كان عندك فرصه باش تقرا متضيعهاش و على خدمتك ما تستغناش