أش مرجعك لمخي؟؟ لو إنو حسب ما نتفكر سيادتك موش حابب تخرج مني... علاش عامل عليا هجوم جو أرض و محيٌر فيٌا المواجع فالوقت إلي انا نحارب في كل شي باش ننساك علاش دموعي لتو ما حبوش يشيحو مع إنو عنا قرابة الخمس اشهرة معادش مع بعضنا؟؟؟

لا و الاغرب لا يزي عارفة إلي كذبت عليا و نعرف ما عادش راجعين كان شنوا يصير زيد هذا و دونو انا مع واحد غيرك.. لا نجمت ننساك و لا نجمت نقبلو في طاسة مخي و لا في تراكن قلبي... مكن ننساك فالنهار و القضيات و الخرجة أما لازمك تزورني فالليل و سكوتو.. فالليل و عتمتو.. فالليل و وحدتو...

يهبط عليا تسونامي ذكرياتي أنا وياك يزلزلولي مخي ذكريات إلي ما عاد تنفع حد.. ذكريات عايشة كان فيا مخي تعذب فيا و موش مخليتني مرتاحة.. و لا دموعي شادة بلاصتها... لتوا ندعي لربٌي ينسيني فيك و نوكلو عليك علٌي مازلت نحسو في جرتك في جُرٌت أنانيتك و كذبك إلي أحلى على قلبي مالعسل...