أحلامي بسيطة
Wided Zidi - وداد الزيديأنا نجرح و منتجرحش
أنا نسامح و مننساش
أنا نحب و منخونش
أنا بيك نحيا أما بلا بيك منموتش
أنا نعطيك قدرك و معايا تذوق طعم الدنيا
المهم تكون معايا راجل و متبدلني بحتى بنيه
أنا نزين حياتك و بالورد نفرشلك الثنيه
نحب نحس بروحي معاك نحبك تعاملني بحنيه
نحبك تحلم معايا تفرحني تزهيني خلينا نهبلو احنا الإثنين
نتمشاو عالبحر تطشني و نطشك نتكى على صدرك الحنين
تعزفلي عالكمنجة متاعك تسافر بيا إلعالم آخر في طرفة عين
نجريو تحت المطر على ضو القمرة ما معانا حد كان النجوم
أحلامي بسيطة نحب نسرح معاك نطيرو بين الغيوم
عيش و عيشني حبني و دللني طيرني عنقني خليني نحس بيك
أما متخنقنيش و في الهموم تغرقني تكدرني تجرحني و تخليني نندم عالنهارإلي عرفتو فيك
كلمة منك تهزني الفوق و بكلمه تزلزلني تنرفزني تخليني مهمومه محرومه لا ناكل لا نشرب لا نخرج لالحومه
قلبي حزين أما ديما نضحك مخي سارح أما نحاول بش نركز
ننصح في البنات و أنا أكثر وحده تستحق النصيحه
نداوي في جروح صاحباتي و أنا شكون يداويلي جروحي العميقه
علاه خليتني نتعلق بيك؟
علاه الغدر تسمى عليك؟
علاه خليتني نكرهك بعد ما كنت ما نتنفس كان بيك؟
بقلم وداد الزيدي
Website Design Brisbane