تعرفوا..

Marwa Jabou -  مروى جبو

تعرفوا.. أنا اليوم بش نحكي.. بش نتكلم علي صار.. بش نحكي عالقهر و الدمار.. وقتها كان عمري ثلاثة سنين، طفلة صغيرة، ملايكة، فرططو يطير.. عصفورة جنة.. ماما تهزني لروضة فيها برشة صغار.. روضة مش بعيدة عالدار..

كنا نسكنو في المرسى، لحقيقة ما نتذكرش الحومة برشة.. أما نتذكر إلي صار عليا.. نتذكر كاينو صار البارح.. نتذكر وجهو وسمايلو.. نتذكر شعرو وحوايجو.. نتذكر الوجيعة والدم.. وشعري بين صوابع ايديه و ساقيا تحت ساقيه.. تعرفوا.. لليوم نكره اللون الأحمر..

Lire la suite :

تعرفوا..

العروسة

Fatma Cherif - فاطمة الشريف

كي كانت أسماء صغيرة كانو يعجبوها العرايس المحطوطين في فترينة مغازة في ثنيّة المكتب ... تاقف سوايع تتفرّج عليهم و كل ما تروّح موخّرة في جرة الفرجة عالعرايس تاكل طريحة نبّاش القبور ... و ما كانتش تشعف ... و لا تبطّل الفرجة في الفترينة الي في عينيها كانت صندوق عجب ...


جرّبت ساعات تقول لأمها تشريهملها ... و لا تشريلها منهم وحدة ... أما امها كشّت عليها و ضربتها قدام صحابها متع المكتب ... أسماء ترتيبها الثالثة في وسط أربعة خوات ... مصاريفهم ما توفاش و بوها شهّار يجري على كوش الصغير و ليسي الكبير ... الفلوس لكلها للحاجات الازمين ... هكا كان يقوللها

Lire la suite :

العروسة

طفلة صغيرة

Dorra Rezgui - درة الرزڨي

نكتب لهاك الطفلة بنت 3 سنين... سامحني اختي و بنتي و مرت ولدي نهار اخر نعرف الوجيعة ساكنة فيك على صغر سنك كنت تستنى في امك باش تروح بيك مالروضة باش تلعب باللعب متعك و تتفرج في طيور الجنة الي انت طير منهم ملايكة  لا تخبش لا دبش

في لحظة خطفتك لوجيعة من حضن امك باش تولي في كل مرة تحكي لواحد منا حكايتك ساماحني اختي خاطر نهار اخر باش تبقى موجوعة على خاطر عملولك حاجة وقتلي انتي ملايكة و ماك فاهمة مالدنيا شيء

Lire la suite :

طفلة صغيرة

يوما ما

Dorra Rezgui - درة رزڨي

انا طفلة صغيرة تولدت في حومة عربي و كان في صغري بارشا وجيعة نعرف الي ممكن لحكاية مايفهموهاش برشا ناس خاطر مايحس بالجمرة كان الي يعفس علاها

كل مانجي نحلم حلمة نبكي خاطرني انثى حكايتي ملي انا صغيرة كل مانحلم حلمة يجي في وذني كلام امي احشم راك صبية... نحلم نحب نطير يزي راك طفلة ... نحب نجنح .. يزي راك انثى كل منحط طرف كحل ناكل طريحة نباش لقبور حتي يجيني مكتوبي كرهت روحي و كرهت حاجا اسمها انثى رغم الي انا انثى و كبرت لوجيعة معايا كنت نكره خويا على قد منحبو  هو .. ذكر يفيق وقت ميحب و يسهر لوقت ميحب و انا محكوم عليا بش كي يكمل سهريتو

Lire la suite :

يوما ما