Jardin d'enfer - روضة جهنم
Ameni Oueslati - أماني الوسلاتي
ثعمتلك يا عمي ؟ اث مدخلني يا عمي ؟ منين نعرف هذا الكل يا عمي ؟
يا عمي ما خفتث ربي ؟ انا ملائكة في عوض تحميني هكا تعملي ؟
يا عمي نستخايلك تحبني، علاث تضرني ؟
.مماتي، ما تبكيث ! انا ثغيرة و ما نفهمث
باباتي، ما تصيحش ! ثمحني الدنيا غريبة علي
ذعمة كنكبر كيفاث بث يخذرولي لعباد ؟ و ثحباتي في المكتب بث يحثوا بي ؟
ذعمة بث نحب و نتحب كيما أندادي ؟ ذعمة يذي نهار ونلبس روبة بيزة كيما سندريلا ؟
.مماتي، ما تبكيث ! في المكتب ما نخلي حد يمسني
باباتي، ما تصيحش ! عمي طلع ما يحبنيث كيفك
مريومة، يسورة و ملوكة، بث تقعدوا تلعبوا معايا في روضتنا إلي نحبوها ؟
علولو، ادوم و حمودة، بث تذيبولي الحلوى كيما قبل ؟
ذاوبوني !!! ثبيكم تخذرولي ؟
.مماتي، ما تبكيث ! "الحية" وفات
باباتي، ما تصيحش ! انا لاباس
ثكون بث يخذلي حقي ؟ انا و ثحابي الصغار الكل ؟
ثكون بث يمثحلي دمعتي و يرجعني لروضتي ؟
ثكون بث يحميني من عمي ؟ ... ثكون ؟
.
مماتي، ما تبكيث ! انا كبيرة تو ندافع على روحي وحدي
باباتي، ما تصيحش ! أمان خليني نرجع لروضتي
أماني الوسلاتي
Website Design Brisbane