Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
… نا لمرا تونسية
Ghofrane Bou Ali - غفران بوعليﺃﻫﻲ ﻧﺎ ﺍﻟﻤﺮﺍ ﺍﻟﺘﻮﻧﺴﻴﺔ ﻧﺎ
ﺍﻟﺒﻠﺪﻳﺔﺍﻟﺮﻳﻔﻴﺔ
ﻧﺎ ﺯﻳﻨﺔ ﻟﺒﻼﺩ ﻭﺟﺪﺓ ﻻﺣﻔﺎﺩ ﻭﺍﻡ ﻟﻮﻻﺩ
ﻧﺎ ﺭﻳﺤﺔ ﺍﻟﺤﻨﺔ ﻓﻲ ﺧﻀﺎﺭﻫﺎ ﻭﺍﻭﺭﺍﻕ
ﻟﺨﺮﻳﻒ في ﺼﻔﺎﺭﻫﺎ ، ﻧﺎ ﺍﻟﻠﻲ ڨﺎﻟﻮ
ﻋﻠﻴﺎ ﺭﻳﻔﻴﺔ ﺩﻭﻧﻴﺔ ﺟﺎﻫﻠﺔ ﺍﻣﻴﺔ
ﻧﺎ ﻳﻠﻲ ﻋﺎﺑﻮ ﻋﻠﻴﺎ ﻭﻣﻦ ﻟﻮﻧﻲ
ﺣﻜﻤﻮﻋﻠﻴﺎ ﻭ ﻛﻠﻤﺔ ﺍﻟﻌﻴﺐ ڨﺎﻟﻮﻫﺎ ﻓﻴﺎ
ﻭﻫﻤﻮﻡ ﺍﻟﺪﻧﻴﺎ ﺣﻤﻠﺘﻮﻧﻲ
ﻭ ﺑﻜﻼﻡ ﺍﻟﺴﻮ ﻭﺩﻳﺘﻮﻧﻲ ﻭﻛﺎﺱ ﺍﻟﻤﺮ
ﺭﺷﻔﺔ
ﺭﺷﻔﺔ ﺳﻘﻴﺘﻮﻧﻲ
ﻭﻓﻲ ﺣﻴﺎتي ﻜﺮﻫﺘﻮﻧﻲ
ﺑﺎﻟﻠﻪ ﺑﺎﻟﻠﻪ ﺍﻋﺘﻘﻮﻧﻲ ﻭﻣﻦ ﻟﺴﺎﻧﻜﻢ
ﺍﺭﺣﻤﻮﻧﻲ ﺳﻴﺒﻮﻧﻲ ﺍﺑﻌﺪﻭﻧﻲ ﻃﻴﻘﻮﻧﻲ
ﺃﻫﻲ ﻧﺎ ﺗڨﻮﻟﻮ ﻋﻠﻴﺎ ﻫﺠﺎﻟﺔ ﻭ ﻟﻠﺒﺨﺖ
ﻣﻴﺎﻟﺔ ﻭ ﻟﻠﺮﺯﻕ ﺧﻤﺎﺩﺓ ﻭ ﻟﻠﺪﻳﺎﺭ
ﺧﺮﺍﺑﺔ
ﻧﺎ ﻳﻠﻲ ﺫﻣﻴﺘﻮﻧﻲ ﻭ ﺑﺎﺧﻴﺐ
ﺍﻟﻨﻌﻮت ﻮﺻﻔﺘﻮﻧﻲ
ﻧﺎ ﺍﻟﺴﻤﺮﺍ ﺍﻟﻤﺮﺍڨﻪ
ﻧﺎ ﺍﻟﻔﺎﺳﺪﺓ ﺍﻟﺴﻬﺎﺭﺓ ﺍﻟﻤﺘﻨﻘﺒﺔ ﺍﻟﺮﺟﻌﻴﺔ
ﺍﻟﺴﻤﻴﻨﺔ ﺍﻟﺒﻄﻴﺔ
ڨﻮﻟﻮ ﻭﺯﻳﺪﻭ ڨﻮﻟﻮ ﻭ ﺍﺣﻜﻴﻮ
ﻭ ﺑﻴﺎ ﺷﻬﺮﻭ
ﻓﻲ ﻛﻼﻣﻜﻢ ﻣﺎ ﻧﺨﻤﻤﺶ
ﻭﺑﺎﻭﻫﺎﻣﻜﻢ ﻣﺎ ﻧﺤﻠﻤﺶ
ﻧﺒﻘﺎ ﻧﺎ ﻟﻮﻟﻴﺔ ﻧﺎ ﺍﻟﺤﺮﺓ ﺍﻻﺑﻴﺔ
ﻧﺎ ﺍﻟﺘﻮﻧﺴﻴﺔ
ﻧﺎ ﺍﻟڨﺎﺑﺴﻴﺔ ﺍﻟﺒﻨﺰﺭﺗﻴﺔ ﺍﻟﺒﺎﺟﻴﺔ
ﺍﻟﻨﺎﺑﻠﻴﺔ ﺍﻟﺼﻔﺎﻗﺴﻴﺔ ﺍﻟڨﻔﺼﻴﺔ
ﺍﻟﺴﺎﺣﻠﻴﺔ
ﻧﺎ ﺑﻴﺪﻱ ﻧﻨﺜﺮ ﺍﻟﺰﺭﻉ
ﻭ ﺑﻤﺴﺤﺘﻴ ﻮﻓﺎﺳﻲ ﻧﺰﺭﻉ ﻻﺭﺽ
ﻭﺑﻴﻦ ﻻﺟﺒﺎﻝ ﻧﻮﺭﻱ ڨﺪﻱ ﺑﻜﺒﻮﺳﻲ
ﻭ ﺑﺮﻧﻮﺳﻲ ﻭﺣﺮڨﻮﺳﻲ ﻭ ﺑﺎﻟﺨﻠﺨﺎﻝ
ﻣﺰﻳﻨﺔ ﺳﻮﻳڨﺎﺗﻲ ﻭ ﺑﺎﻟﺤﻨﺔ ﻣﺰﻳﻨﺔ
ﻳﺪﻳﺎﺗﻲ
ﻧﺎ ﻣﻮﻻﺕ ﺍﻟﺒﻮﺳﺔ ﺧﺎﻝ ﻧﺎ ﺍﻟﻤﺜﻘﻔﺔ
ﺍﻟﻮﺍﻋﻴﺔ ﺍﻟﺤﺎﻟﻤﺔ ﺍﻟﻮﺍﺻﻠﺔ ﺍﻟﻘﺎﺭﻳﺔ ﻧﺎ
ﺍﻟﺘﺤﻔﺔ ﺍﻟﻔﻦ ﺍﻟﺰﻳﻦ ﺍﻟﻌﻴﻦ ﺍﻟڨﺪ ﺍﻟﺨﺪ
ﻧﺎ ﻟﻔﻴﺎﻧﺔ ﻭﺍﻟﻮﻗﺎﺭ ﻧﺎ ﺍﻟﺮﺍﺱ ﺍﻟﻌﺎﻟﻲ
ﻭﺍﻟﻘﺪﺭ ﺍﻟﻐﺎﻟﻲ
ﻧﺎ ﻟﻤﺮﺍ ﺍﻟﺤﺮﺓ ﻧﺎ ﻟﻤﺤﺒﺔ ﺍﻟﻲ ﺗﺬﻫﺐ
ﺍﻟﺠﺮﺓ
ﻧﺎ ﺍﻟﺪﻻﻝ ﻭﺍﻟﻌﺰ ﻭ ﺍﻟﻀﺨﺎﻣﺔ ﻭﺍﻟﺪﺯ
ﻧﺎ ﺳﺎﺳﻴﺔ ﻭ ﻋﻠﺠﻴﺔ ﻭ ﺑﻴﺔ ﻭﻣﻨﻮﺑﻴﺔ
ﻧﺎ ﺍﻟﻮﺳﺎﺩﺓ ﺍﻟﻮﻻﺩﺓ ﺍﻟﻤڨﺪﻳﺔ ﺍﻟﻤﺮﺧﻴﺔ
ﺍﻟﻀﻌﻴﻔﺔ ﻟﻘﻮﻳﺔ
ﻧﺎ ﻋﻠﻴﺴﺔ ﻭﻓﺎﻃﻤﺔ ﻟﻔﻬﺮﻳﺔ ﻧﺎ ﺍﻟﻜﺎﺗﺒﺔ
ﺍﻟﺸﺎﻋﺮﺓ ﺍﻻﻧﻴﺔ ﻭ ﺍﻻﻧﺎﻧﻴﺔ ﻭ ﺍﻟﻼ
ﺍﻻﻧﺎﻧﻴﺔ ﻭ ﺍﻻﻧﺎ
ﺍﻣﺎ ﻧﺘﻮﻣﺎ !! ﻧﺘﻮﻣﺎ ﺷﻨﻮﺍ ؟
ﻧﺘﻮﻣﺎ ﻧﺼﺒﺔ ﻓﺮﻳﺐ ﻭ ﺑﺮﺷﺎ ﺗﻨﻮﻓﻴﻖ
ﻭ ﺩﻭﺭﻭ ﻓﻲ ﻟﻜﻴﺎﺱ ﻣﻔﺮﻭﺵ
ﻧﺘﻮﻣﺎ ﺍﻟﺸﻌﺮ ﺍﻟﻤﺠﺒﻮﺩ ﻭ ﺍﻟﺼﺪﺭ
ﺍﻟﻤﺸﺪﻭﺩ
ﻧﺘﻮﻣﺎ ﺍﻟﺒﻴﻌﺔ ﺍﻟﻤﻘﻄﺔ ﻭ ﺍﻟﺴﺮﺍﻭﻝ
ﻟﻤﺮﻗﻌﺔ
ﻭ ﺍﻟﺮﺟﻠﺔ ﻋﻨﺪﻛﻢ ﺻﻮﺭﺩﻱ ﻣﻨڨﻮﺏ
ﻭﺍﻟﻠﻪ ﻻ ﻳﺒﻠﻴﻨﻲ ﻧﻬﺎﺭ ﺑﻐﺸﻴﺮ ﻣﺎ ﻧﺪﻟﻮ
ﻻ ﻣﺮﺍ ﻻ ﺭﺍﺟﻞ
ﻧﺎ ﻟﻤﺮﺍ ﺍﻟﺘﻮﻧﺴﻴﺔ ﻧﺎ ﻟﺤﺮﺓ ﻻﺑﻴﺔ
كلمات غفران بوعلي - صورة هيثم التركي
Website Design Brisbane
Tags: