بين رموشها حابسة دمعتها ..و الحزن مزين ليلتها ...

على حب قديم تحيرت وجيعتو نهارتها و خطف منها ضحكتها ...مشا فيبالها حال يدوم ياخي طلعت عشرة و تهون ...خاب ظنها في الغالي و شكات همها للعالي..

مشا في بالها بنات ساس ياخي طلع خايخ و شمت فيها الناس...

ضاقت الخناق و مازالت تضياق..تتنهد و تسأل روحها علاه تخمم فيك ؟ علاه عايشة بيك! علاه هالهموم ! علاه مش محبة تدوم ؟ علاه الوجه المقلوب ! علاه ما تصفاش القلوب؟ علاه ما يقفش الوقت و هيا ننساو المقت...
تتفكر كي كانت تجي العين فالعين!...يا حسرة اكا اللحظة ما تتعاشش مرتين..

كنت نجمتها المضوية الي جات تنورلها الثنية بغزرة حنية و تضوي شمعة ليالها الي كانت متروكة و منسية...نجمتها الي شعلت نار خامدة فها و فالاخر غلبتها و غلبت بها... نجتها اليوم غطاها السحاب و رجعت هيا لظلمتها بلا

احباب بلا اصحاب ....