بين رموشها حابسة دمعتها ..و الحزن مزين ليلتها ...

على حب قديم تحيرت وجيعتو نهارتها و خطف منها ضحكتها ...مشا فيبالها حال يدوم ياخي طلعت عشرة و تهون ...خاب ظنها في الغالي و شكات همها للعالي..

مشا في بالها بنات ساس ياخي طلع خايخ و شمت فيها الناس...

نحبك  اما خايفة مالخوف ..خوف حب من طرف واحد  مش زوز طروف ..وقتها يولي حب قلق و كيوف..نحبك خاتر في ليلة ظالمة منسية حيية نار خامدة فيا ...حكينا للصبحية و ماخممتش حتى نرمش عينيا...قداه صعبت عليا كي نراك نبدل الثنية ..كي نتوحشك و ما تحسش بيا ...قداه وليت نرقد باش نراك في احلامي و نتخيل حكايات على الفرحة مبنية..قداه نحبك قداه نتمنك اما قداه باش نستناك؟

نستناك لين تطيح العينين و تخيخ الساقين ..نستناك ترجع هايم و في الحب عايم،ترجعلي نوشوشلك في وذنيك نقشعرلك بدنك و نسكن فيك ..