تبليت و ما باليت؛ تغرمت حبيت هويت و ما باليت، فرحت غنيت زهيت و ما باليت، سهرت هملت شخت و ما باليت، تعثرت تكعبرت تحط و ما باليت، وقفت قمت و بحرارة اروح طرت و سافرت ما باليت...

و تبليت و الطير الحر ركح لقى يدين حنينة حورية من حوريات الجنة تمد بين يديها و عينيه ما فارقوش عينها و اه من عينها و حكاويهة. و الطير الحر إذا حب يعطي للحب كارو و الطير ما حبش الطير تبلى نسا روحو و فيها هوى... و من غادي بدا الدا إلي ما لقولوش دوا بنالها قصر و لبسها التاج و حللها بيبان غلفها بريشو ريشة ريشة و كان مطمان في حضنها و حنانها دفيان عارف ريشاتو حامينها ما فيبالوش خانقنهىا