تبليت و ما باليت؛ تغرمت حبيت هويت و ما باليت، فرحت غنيت زهيت و ما باليت، سهرت هملت شخت و ما باليت، تعثرت تكعبرت تحط و ما باليت، وقفت قمت و بحرارة اروح طرت و سافرت ما باليت...

و تبليت و الطير الحر ركح لقى يدين حنينة حورية من حوريات الجنة تمد بين يديها و عينيه ما فارقوش عينها و اه من عينها و حكاويهة. و الطير الحر إذا حب يعطي للحب كارو و الطير ما حبش الطير تبلى نسا روحو و فيها هوى... و من غادي بدا الدا إلي ما لقولوش دوا بنالها قصر و لبسها التاج و حللها بيبان غلفها بريشو ريشة ريشة و كان مطمان في حضنها و حنانها دفيان عارف ريشاتو حامينها ما فيبالوش خانقنهىا

هو حب مسموم مردوم موش معلوم و لا محسوس يمكن خاطر ممسوس منزوس معفوس مرفوس عمرو ما كان محسوس. شخص لو كان جا محسوس ممسوس معروف و بين لخفايا مقري و معروف. كل بنادم و ليه تابع يا يطيح ليه سامع يا يطيح ليه خادم و طايع. الفرق بين بنادم و خوه القلب لا مرض معادش ليه دوا. الروح حاجة اخرة حاجة باهية للي يعرف اش معناها روح باهية روح نظيفة عفيفة...

كلام مردوم نتمنى ببهاويتكم يبعد عليه الغيم و يضوى و يتسمع ولو إنو مكتوب ليا و ليها مكتوب

إسمي نخليه ليك تختارو و كتيبتي مربوطة بشيختي واثق و حاذق و حافض و شالق.