Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
بلاش عنوان
Fatma Cherif - فاطمة الشريف
قوم من فوقي رزُنت عليا ..
قوم من فوقي رعبني منظر الدم الي يجري مع ساقيا
...
قوم باش بش نكمّل عمري؟
عمري الي مازلت كي بديتو ومازلت كي سمعت تزغريت امي فرحانة الي جاتها بنيّة
قوم مش على خاطر لقيتني صغيرة حليب امي بين سينيا ...
قوم راك قتلتني و أنا حيّة ...
قوم راك خايب و ووجهك فاجعني و مغلّب عليا ...
كل ليلة في مناماتي الظلام تاقف عليا
...
خايب .. عينيك حمُر ... وشوافرك مقلوبين ...
ما تجيش عبد و ماكش شيطان ...
الشيطان أعقل منك ... الشيطان حنين ...
نرى فيك تتهز و تتنفض فوقي ... و أنا تحتك من الوجيعة و الهم إنّين ...
شاب شعري في عمر التلاثة سنين
...
علاش شعمتلك نجي قد بنتك
كنت نجّم نكون بنتك ...
قوم من فوقي احسبني بنتك
...
معمولك لربي
راهو فما ربي
حسيبك ربي
...
ربي الي فوقي و فوقك ما يرضاش بالظلم
و انت تظلم فيا و تفسّخلي من قلبي في الحلم
أنا جيت هوني بش نرى الدنيا و نقرى و نحط في راسي العلم
و نتعلم التلوين و القرآن ...
معلمتي قالت ربي يسامح كل انسان
زعمة يسامحك انت زادا كي رجّعتني نندّش ..
يسامحك كي رجعتني عامين بالتوالي و رجعت نكوّش ؟
كان سامحك ربي أنا ما نسامحكش على خاطر ما ظلمتكش
انت الي رجعتني لدارنا بتصويرتي ناقصة ألوان
الوانها عالخطوط خارجين ..
بالحين ...
بلا روح فارغين ...
كي عينيا الميّتين
...
ما عنديش على شكون نعمّل بش يرجعلي حقي
حكومتي الشرعيّة ديما مع الفاعل ضدّ المغتصب ...
ديما تخرّجو كي الشعرة من العجين ...
كان جيت كبيرة يقولو أغويتو بالتزعبين ...
اما تشفعلي برائتي و ساقيّا الصغيّرين
الي بمخو المريض ما شاف فيهم كان الي ما بيناتهم ..
وما عذرش وجيعتي ... ولا وصل صياحي للّي وصلوني أصواتهم ...
يضحكو فرحانين ...
بتصويرة اليوم و التلوين ...
ما رجعتش فرحانة كيفهم
..
رجعت مشوّية و مشوشطة بالسيف واقفة على ساقيا المعوّجين
من الغصرة والوجيعة و طرش الوذينين
ما عندي حد ياخولي حقي ... عندي ربي
ما يرضاش يرى عبادو مظلومين
فاطمة الشريف
Website Design Brisbane
Tags: