Emna Frawes - آمنة فراوس

تعدات أيامات و خيالها يدور معيا في كل بلاصة.

نرقد... نقوم بها...وليت عايش ليها و معاها نستنى امتى تجئ وطل علياو نملأ عينيا بشوفتها...

جاتني رزينة باش نسأل دنيا و نقلها... وين آك السمرة المڨدية مولاة العين الذبالة الساحرة الڨتالة.

أحترت و إحتار دليلي...مافهمتش شنوا الي صارلي؟شنوا اليوم يخليني نخمم فيها ... رغم اني محكيتش حتى كلمة معاها... عديت الليلة نتفرج و ساكت... كيف نسكر نحب الساكت و زادت عليا هي ببهاها... حسيت روحي ضيقت عليا من كثر مانحلم بها... وقررت إني باش نخرجها من عقلي و نرجع لحياتيالهادية من غير خيال مولاة الشامة ... خرجت من داري في صباح أحد  بكري على غير عادتي قلت نسرح سويقاتي في وسط البلادوهي فارغة ...مشيت دبة دبة.... لين وصلت بقهوة الياسمين... شديت طاولتي...رميت فوق منها مفاتح الدار و التليفون... جبدت كرسي... قعدت... تر عليا سرفور...طلبت قهيوة العادة ...و رمشات نتفرج في المطر تبخنس... صوتها تخلط مع  تزقزيق لعاصافر... صنفونية مايعرفها كان الي مستانس بقهوة الصباح في شارع الحبيب بورقيبة... حطيت ساق على ساق ونتزشف في قهيوتي و عينيا طاشية كل مرة في زاوية..  وصار الي معمالوش حساب ...

ولأن الحب يجي صدفة كيما يقل...من غير معاد ...ريتها... بزينها جاية تتبختر من بعيد... جاية لطاولتي...

كي شفتها حسيت بحاجة تمشي على بدني...شي أقوى من الخيال أقرب للواقع ....قلب يعزق المطرق على قفص صدري لين وجعني... نفس متاعي خارج سخون يشوي... في صباح بارد...

و هي ماشية و تقربلي...

مخي ميحبش..يمني... يصدق الي هي جايتني... وقلبي يقلي رد بالك تكذب لخبر... ه النجمة... ليك قاعدة تضوي لين وقفت قدامي و تبسيمة مالية وجيهها... وقتلي  ...

صباح الخير... صباح الخير عودتها مرتين و انا شاردة فيها... قتلي >فهمي< مش هكا... تفكرتي انا نوارة... صاحبة دنيا...لساني رزن.

حل فمك يعطك أخذة ...تكلم شبيك...شبيك بهمت فها... حل فمك العصفورة جات بين يديك...

لباس فهمي؟ضاهر فيك نسيتني و هي تتبسم... سمحني... كان..  

لا لا سمحتي ...وقفت

تعرف عندي وين نستنى فيك... عندي وين و انا ترجى في خيالك... هذا من أحلى الصباحات الي عشتهم...

و هي تخزرلي...تخزلي

وطرشقت بضحك... وتضحك والله مشا في بالي ماتتكلمش....