الناس الكل اليوم تنسي روحها تنسا لي ربي عطانا أمانة و لازم نستحفضو عليها  ، روح ربي المقدسة ..

اليوم شكون فيكم مرتاح ، ميخممش، عايش اللحظة ، فرحان، مش مصعب الحياة علي روحو ؟

و أنا مركزة معا الناس نستنتج يلي كل حد و سارح فاش يخمم بالرغم من إنو الحياة متستحقش هذا التعب الكل ..  ناس تعس على بعضها ، تحسد ، تكره، تنافق تعمل فيهم الكل وبعد تقول شبي حياتي فارغة وخايبة !!

كي نغزرك نفرح كي نرا تبسيمتك قلبي يرتاح حبيتك بتفاصيلك الصغيرة و الكبيرة بعيننك الكحل لي قلبي و عيني ميشبعو بيهم ضحكتك لي سحرتني يديك لي محلاهم .... كي تبدي يدي في يدك قلبي في لحضة ياقف مخي مقاش يعرف يخمم نحب نعنقك ما نسيبك نرمي روحي في حصنك نشم ريحتك نسمع كلامك الحلو لي ديما تقولهولي و آنا تلقاني منعرش نجاوب نظهر لي آنا مش مهتمة أما في الحقيقة ملقيتش الكلام لي ينجم يعبر علي شعوري بالفرحة تعجبني كي توسع بالك معايا و بالرغم لي إنا باردة المشاعر كيما تقول إنتي مسلمت فيا من غير منحكيو علي البحر لي كي عرفتني نحبو حبيتو معايا و ليالينا و أحنا نحكيو في ماضينا و النجوم لي تفرجنا عليهم مع بعضنا و القمرة لي طلعت و ضوات علينا ..

حبيت نهار ننسى مشاكلي ونخرج ملعالم لي كلو فوظا وغموض و هم ومشاكل وإلى أخ ... كيما العادة شاورت دارنا وخرجت ... حطيت الكيت وخليت شوية فن أصيل قعت ماشية حتى خلط لمحطة لكار , محبيتش ناخو تاكسي على خاطر انا نحب اليوم يكون مش كما أي يوم ستنيت مدة وباقي لكار مجاتش ، لمحطة ولات ياسر مليانة ، ياسر وجوه فيها لفرحان وفيها لحزين فيها ليضحك ضحكة صفرة وفيها لضحكتو من قلبو و لحسلو برشا أقنعة ..

تلفت نلقا الكار جات حظرت روحي وطلعت , مشيت بجنب شباك , قعت لين نوصل لهاكي البلاصة إلي في بالي ،حوما عربي و ناس ليفيها الكل على قدهم قربت نوصل هزيت روحي وقدمت وانا هك جات في مخي فكرة كيفاش نجم ندخل الديار لي في هاكي الحومة ونتقرب من ناسها ونحاول نعاونهم حتى بالكلمة طيبة ، قررت باش نعمل في روحي صحافية وندق على كل باب وبطبيعة هما مش يستقبلني وإذا لزم بتزغريت