ڤمارة
Rim Wrak - ريم ورقنحبك في قلبي نار لاهبة و جمرة متطفاش
نحبك في سمايا نجمة شاعلة و ڤمرة متخفاش
نحبك في دمي شرارة
على زنودي و كف خدودي ڤمارة
وحمة على سدري امارة
توحشت نمسك
توحشت بين ضلوعي نحسك
توحشت حسّك
توحشت نهمسلك
و نحب
نحب نحسّك في عروقي حريقة
و نحبك فالسكرة و الفيقة
نحب نشد وردة و نريشها
يحبني مايحبنيش
يحبني مايحبنيش
مازلت ماتتفكرنيش
كيفاه ناسيني مش انتي لي كنت تحت شباكي كل ليلة تغنيلي
و نحبك
نحبك في قلبي نار لاهبة و جمرة متطفاش
نحبك في سمايا نجمة شاعلة و ڤمرة متخفاش
حبيتك في وسطي صحرا و انتي نخلة و عرجون تمر
تمنيتك تكسر في وسطي القبر
حبيت من تراب صحاريك نخرج وديان
كذبت و قلت بيري بيك تعبا و لا مليان
قلمي يجري حافي الساقين
مسكين يسخف ذليل عريان و يحب غطى ، يلوج على طرف دفى ضاع و مشى
مشتاقة حنانة و بطرف فيانة رسمتك على مراية و خلقتك من وجيعتي غناية
و حكيتك لأهل الدار و لولاد الجارة الصغار و دب الفار دبيباتو هي مشت و خلاتو
حبيتك في دمي شرارة
تمنيتك على زنودي و كف خدودي ڤمارة
ريم ورق
Website Design Brisbane