مدة عامين تعرفت على شاب ..

كنا سﻻم سﻻم هو يسكن بعيد برشا من حومتي و من مدينتي .. هو اصلو أجنبي لكنو مسلم و عربي ..

ڨعدت مدة كل مرة يكلمني نحكيو شواية متأدب و يصلي .. ديما ينصح فياً يقلي الدنياَ ختيبة و الناس خايبين ردي بالك تعطي ثقتك في حد ..

ولينا صحاب ع الفايسبوك و ديما نحكيو بمسنجر بالصوت .. صوتو عسل الدنياَ  <3 محﻻه دافي يحسسني لي انا نحكي مع روحي ..

ديما ينبه فياً علىَ لبستي و مالزمنيش نعمل شيء في وجهي .. ي ڨلي راك حلوة .. مذاقك عسل ..

حسيت روحيِّ تعودت بيه .. بعدني على أصحابي و الناس إلي نعرفهم .. بعدني حتى على روحي .. وليت نعرفو كان هو و نسمع كﻻم بﻻ منخمم ..

مرة ڨتلو سايي نحب نشوفك .. ڨلي تو نجي اما مالباب لبوك و نهزك بقدرك .. تلهفت عليه أكثر قتلو نشوفك شواية حتى بالسرقة ..

ڨلي باهي النهار الفﻻني باش نسهر بحذا صاحبي الي يسكن حذا دار خالك .. اهوكا في ليل تو نوصلك .. نخاف عليك انا و مايساعدنيش تمشي مع حد في الظﻻم ..

طرت .. زطلت بالفرحة .. لبست الي نكسب و خرجت نتسكبن بين الحيوط نلقاه يستنا في الكرهبة طلعت .. ريحتو ظربت في شطر ڨلبي و اكا العيون ي ربي .. سايي معاش فيا نطقت قتلو نحبك  <3 ماغير ﻻ نفهم شيء نحبك .. ڨلي محﻻها ريحتك و ڨداش عيونك نضاف .. قتلو اي تو غسلت وجهي قلي ﻻ نظيفة من فساد الدنياَ .. حشمت ..

نغزرلو موش مصدقة عيوني .. ڨلي هتيت نميشيو مخرر عليك ﻻزمك تروحي و مانحبش حتىّ حد غيري يوصلكك و اﻻ حتىّ يكلمك .. تي انت بطبيعتي ماعندي حد غيرو .. مشينا و كيف قريب نوصلو للدار قتلو مازلت نحب نڨعد بحذاك شوايةْ .. قلي باهي نزيدو دورة و نرجعك متروحيش مخر داركم يفدو عليك .. حليلي راو يخاف علياَّ .. قتلو باهي ، نغزر لعيونو كيفاش تلمع و يديه ترعش. .ڨتلو تاعب؟ ڨلي ياسر الخدمة متعبتني و زيد اليﻻ جيت على خاطرك .. زدت طرت و عملت جناح .. نحن هكك و شقت علينا كرهبه لحظة ﻻ تضربنا .. ستر ر ربي في اخر لحظة و الي شق علينا هرب .. بديت نبكي نبكي نبكي .. تخلخل هو و ما فهم شيء بعدنا على طريق و راكا بعيد شواية على الطريق .. هبط و جا من شيرتي و قلي متلكيش لباسْ ! متخافيش ماصار شيء سامحيني .. يعرفني عندي فوبيا من الكياس و الحوادث .. عاود رجع هز فلوس و قلي نجيبلك ما و نجي خﻻني وحدي زدت خفت .. شواية و رجع .. طلع لكرسيه و ڨلي تكي راسك عالكرسي ارتاحي يزي مالبكى .. مخذيتش راحتي حل الكرسي للآخر ، و شربني بيديه و حب يغسلي وجهي ياخي منحمش ااخمار هابط .. هز يدو و نحالي خماري هبط شعري سبووول غامق سواد اليل و سواد سعدي .. عرش ڨلبي و عقلي تعطل وليت نحس بﻻ منخمم .. هبط كرسيه و ڨلي محﻻك .. هبط يديه فيا هبط بفمو بيدو بكلو و انا موش هنا موش مني معرفتش روحيِّ ..

سال شعري الحرير على صدرو الحنين .. و بدات وجايع ﻻ فهمت جنة ﻻ نار و كيما كا نهاية سال الدم و بدى الهم .. فجأة رجعلي شاهد العقل نلقى فيه يغزرلي بعيون ذيب و ضحكت الحب .. كسرلي المرى الي فيا و وفيت و عل غفلة نلقاه يلبس فيا في حوايجي .. و ڨلي نحبك فاطمه نحبك .. غزرت لو و ڨتلو نحب نحضنك .. حبيتو برشا و حسيت بهاك النشوة في ظﻻم الليﻻ الطويﻻ ..

ماغير ﻻ فهمت شيء ضاع شرفي و هو يحبني ههه تي اي يحبني و يخاف عليا و يحزر و ينجم يضرب ..

تي نعمبو امو الي عطات روحها في الحﻻل باش تجيب ولد حرام كيفو .. مازلت بين يديه و هو اضعف مخلوق و انا قوى مرىَ .. هبط باسلي ساقي و ڨلي بتش تعرفي الي نحبك قتلو اي سايي عرفت و نستو ..

تعدّات اليلﻻ الطويلة و الشهور و انا وقت المحنة يطيحلي يقضي بيت رغبتو سي نو ينساني ..

تي يحبني غير الخدمة و الدنياَ تلهي فيه ..

تي يحبني غير ماهواش راجل .  تي انت بطبيعتي ماعندي حد غيرو صغيرة عشرين سنة عمريِ منعرفش نفرق بين الصحيح و الغالط و تعميت بيه لبسني و خرجني من قشرتي ..
بابا ميت و هو كانلو بو ينصح و يتلهى و يشري و يصرف و يرووض فياً ..

حكولي الناس راو زير نسا يهزك عبد يطيشك بﻻ روح و بﻻ جسد و ما فهمتهمش و منصدقهمش و غاااايرين مني و اصﻻ منين يعرفوه باش يحكمو عليه .. تي سيد الرجال هو .. محﻻه كي يحزر علياَّ و بعدني على صحابي الي مضرونيش .. بعدني علا فاطمه النظيفه و مسخني و عفسني و هدني .. محﻻه هو صنديد صعيب و راسو كاسح .. بعدها ڨلي راك مرتي متخافيش .. منخلكش .. و صحيح كان معايا طحان و ماخالنيش وقت ما تقوم عليه دودة وساختو يجيني ياخو عرضو و يخليني .. وراجل و سيد الرجال مخﻻنيش و مطيشنينش .. ذبني و سال دمي و خمجني بيني و بين روحي .. مازلت نحبو و نجي في جرتو نطلب و نكلم فصحابو الي حكالهم الي انا عطيتو روحي ..باش نسهل عليه .. مازلت نبعث في الميساجات و نجي و نجري و مازال هو مطيشني ممكن معندوش شهوة هالايمات ..

لي نصحوني تو ولو معاش يكلموني سايي وليت فاسدة بالطابع كان ليه و معاه ..

حياتي توة عبارة على زانية عاشقه .. حياتي توة نحب في واحد ولد حرام .. حياتي توة منشةفش فيه في حتى عيب ..

هو سيد الناس غير غايرين مني .. و الي قالولي الي يحبك يحافظ عليك ايه راو محافظ عليا لكني متعه كان ليه ..

خيت علياَّ .