مانعرفش وقتاه بدينا و كيفاه و علاه وفينا

متنا فالضحكة لولا .

شنية لفايدة كي تقلي محلى ريحتك و محلى شعرك في الشمس و محلاك كي تتكلم بالهمس

شنية فايدة كي تقلي بردانة و ما تشدش يدي تدفيها . ولا شعرة على عيني ما تمدش يدك تنحيها

شنية فايدة تقلي نحبك و ما حسيتهاش

سمعتني أحلى كلام . ضيعتني في عينيك .في موج البحر رميتني

خليتني و مشيت ودعتني من غير وداع

من غير ما نحسك خايف مالبعد ولا الوحش

دورت ضهرك و مشيت و انا في بلاصتي بقيت لا عرفت نبكي لا نكرهك خاطر ما حسيتنيش و ما وقفتش و اخر غزرة ما غزرتليش

لفيت قلبي ب تل حديد نحب نسألك كيفاه نجمت تدخل و في حالتو لحليلة تزيد !

مانيش عارفة , واحلة بين محبتك و كرهك بين وحشك و نفرك نتخبط بكيت

قتلك كان ما تدخلنيش مانجمش نخرجك مالبلاصة إلي انت فيها

دخلتني خليتني نعوم وحدي و خرجت . هزيت روحك و مشيت لا رفت لا حنيت .

علاش نتوحش صوتك وقتلي انت سبب ضياع صوتي و علاش نحب نشوفك و انت إلي خطفتلي ألوان الدنيا من عينيا و علاش نحب نمسك و انت إلي قصيتلي يديا و في الأخر علاش و

علاش و علاش نحبك و انت سبب كرهي للدنيا .

نكرهك قد محبتي و نكره إلي منجمتش نحط فوقك حتى حد

موجوعة إلي انتي ف دنيا و منجمش نكلمك موجوعة إلي انتي ف دنيا و أصعب حاجة عليا نسلمك