Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نكرهك أما ما نبدلكش..
Sarah Messaoudi - ساره المسعوديوما نحبكش، نكذب كان نقلك نحبك وأنا فرحانه ببعدك هالقد..
ما نحبكش أما نتوحشك..
ونتوحشنا أكثر..
نتوحش الكلام الأول.. الهبال الأول..
وكي كنت ما تشبعش ما ترواش..
ما تسلمش ما توفاش..
وتحكي ياسر وتعبر..
وتبعثلي شبعه ميساجات..
ونفيق الصباح على اللهفه..
ونرقد ونخليك تكتبلي..
ولا نخليو سكايب لا ماسنجر ولا بروموات..
وننسى.. "اللي الورد ما يتسماش ورد كي ما يذبلش."
واللي البدايه أحلى في كل حكايه..
والي خيارك تحبني وحدك وتعطي ما عندك.
نتوحش كل كذبه خرجت من فمك..
نتوحش همك وغمك..
ونتوحش يديك على شعري، على ظهري، على خدي..
توحشت تجبد النفس في وجهي..
توحشتك وانت اتلف..
وانت توعد وما توفيش..
وانت تمشي ما تجيش..
توحشت كلامك وانت تحط في بروقرامات..
وانت تحكيلي على نهار غدوه..
وأنا نسكت فيك خاطر شامتو عذاب..
نتوحشك وانت ساكت ما تتكلمش..
توحشت روحي وأنا نستنى فيك لحظه تولي أيامات..
توحشت التبلعيط متاعك..
واللامبالاة..
توحشت المحبه اللي وفات..
توحشت صحة الرقعه والضحكه..
والحشمه ساعات..
والهبال والصياح..
توحشتك وإنت مرتاح.. وأنا نعاني..
وإنت تزيد تعمل عليا بالعاني..
توحشتك وانت تطلعلي في الدم..
توحشت كي مالغش نحمار وبعد نزراق..
توحشتك وانت تطلب في السماح..
وانت تحلم..
وانت تهني فيا بالكلام..
توحشت فعلك المزمر..
توحشت نبعثك تزمر..
وما نبكيش.. وما نحسكش..
أما قداش حسيتك وبكيت منك وعليك..
وقداش كتبتلك من توحشتك في نهارين..
وأنا بين نارين..
بين "توحشتك أما ما نحبكش.."
وبين "نكرهك وما نبدلكش."
ساره المسعودي
Website Design Brisbane
Tags: