Notice: Undefined variable: relatedArticlesCount in /home1/datalyz/public_html/tounsia/plugins/content/tags.php on line 149
نحب نشوفك
Sihem Hedi - سهام هاديجاني قدام باب داري
وبصوت عالي و مبحاح ناداني
نرجس، نرجس ، نرجس
تربثت،حليت عينيا ، فقت
مشى في بالي منام
و ها الصوت ما صدقت
و عينيا من جديد غمضت
" نحب نشوفك"
"خليني نسمع صوتك"
أف!!! هذا حقيقة موش منام
هذا هو إلي مشى من سنين و خلاني
أهو بأسمي ينادي و موش هامو حد
لا بابا ، لا خويا ، لا جاري لا هاك "الحد"
"الحد" إلي خذاني قلب مدقدق، مدشدش
وبسياسة و فيانة و محبة دواني
و هذا أكيد هبل و ضاع عليه العقل
قمت حليت شباكي ، ما صدقتش عينيا
هو!!! والله هو بشحمو و بلحمو
قتلو بصوت خفيف ،مرة يئن ، مرة يحن
امشي ،ابعد ، هز روحك و أخطاني
هز راسو حب يراني أما ما لقى كان صوتي
و في وسط الظلمة ضاع عليه خيالي
قالي: نورني بنورك حتى شوي
راهو قلبي مشتاق ، محتاج ، يحن وينييين عندو سنين
قتلو: يزيني ما عانيت و بكيت ، إنساني
قالي : ما نجمتش ننسى و من حبك نشفى
أهبط خليني نشوفك
إقرا عينيا أتو تحكيلك علي بيا
و قداش نقاسي و إنت بعيدة عليا...
قتلو: لا!! مانحبش نشوفك
و لا نحب نقرا حروفك
لا الندم ينفع و لا بكلامك قلبي يبرى
و تو كان تحن و لاتعشق ، تقسى ولا تجفى
عادي والله عادي
إستوى عندي الحال
وفقني ربي و حبك نسيت
و من كل كلمة قلتهالي نهار راني بريت
و قلبي لغيرك دق و- أنا إلي ضنيتو مات
و لغيرك غنى غنايات و كتب أحلى كلمات
صاح " يزي ما حكيت ، راك شويتني و- قلبي كويت
يزي ما حرقتني نار الندم على سنين حبك ليا
لا تزيدي عليا بمدح غيري قدام عينيا
أهبط درج ، لا دقيقة، حتى لحظة نشوفك
نلمح جفونك و بسمة شفايفك و الورد إلي على خدودك
سكتت البنية ، ما ردت حتى كلمة
و هو واقف قدام باب دار كيف الصمبة
دعدات دقايق و سمع خطوات تتمايل بخفة
دار دورة للباب و قلبو دق في ثانية ألف دقة
زعمة هي؟ زعمة نهلوس؟ زعمة بوها ولا هاك الجهامة خوها؟
إتحل الباب و شافها و التبسيمة مالية فمها
هبط راسو و نزلت دموعو و دموعها
قالها: علاش هبطت علاش؟
قتلو: باش تعرف إنو إلي بينا مات
قالها: ريت قبرو في عينيك ، مات والله مات
شدتو الغصة و تخنق ، هز عينيه بدموعهم وقال
يا ريتك قتلتني كيفما قتلتو ...
قال كلماتو و ابعد عليها خطوات
بكى و بكاها أما نادات عليه و قالت
إنت إلي قتلتو موش أنا، إنت إلي حكمت عليه بالموت
و أنا أمرك نفذت على غير العادة
سهام هادي
Website Design Brisbane
Tags: