ياخي شبيني كان انا مانيش احلى حاجة في حياة حدّ

ماهأااه بطلت ...اسحب كلامي شكون قال هكا ...ظهرت غالطة في حساباتي لالالالا

انا هي الصغير الاول لي دخل لدارنا، انا لي عطيت لماما احساس الامومة، انا كنت السبب في تنعويش جوّ الدار، انا اول bébé هزو بابا في يدو malgré يحملش الصغار دوب ما يتولدو ، انا لي قوّيت الرابط لي بين ماما و بابا، انا لي حاسب ما قالو كنت عاقلة و هادية في صغري و ما تعّبت حد لكبري أنا الي في شبابي خلّيت لي يعرفني يدعي لوالديّ على تربيتي و اخلاقي ، انا لي كنت السبب في اللمعة لي في عين ماما كيف يشكروني جاراتنا ، انا لي وقت "خالتي عزيزة "

جارتنا تجيب غلّة باهية تخليلي بايي و تقول لبابا ما تاكلها كان ندى ، انا الي ان شاء الله باش نرفع راس بابا لين نموت ، انا الي اختي كل ليلة تمرجني و ما تهدا الا ما نقلها شنوّة تلبس من غدوة، انا الي يجيني خويا في كل وقت يقلّي هيا نفددو نغم و نطلّعوهالها ما نكونش من العاكسين ، انا الي كيف نشوف بنت خالتي متغششة نولّي clown و ما نخلّي ما نعمل باش نضحّكها ، انا الي بحضوري الدار تتملى حسّ، ضحك، تخرنين، تفدليك و تصنيف و في غيابي تولّي بلا روح ، انا مصدر الهبال ، الهرج، و المرج، انا لي نعرف كفاه نضحّك بابا في طمبك غشّو، انا لي كلّ صباح نفيق و يفيق معايا الحسّ  و خاصة خاصة الضحك
اعوذ بالله من كلمة أنا ههههه

*صحيح ما قلّي حد الي انا احلى حاجة في حياتو mais نعرف و متأكدة الي فمّا  برشا يحبّوني و يتمناولي الخير

نحب نقلكم الي انا نحبكم الكلّ و نتخيلش حياتي بلا بيكم