توقف لحضة و تبعد شوي على العالم و تبقى تتفرج من بعيد .. تلقى روحك ضيعت الف فرصة بش تكون فرحان و ناجح .. و تلقى لي انت ضيعت وقتك ترضى في العباد عليك؟ تلقى روحك مكش انت .. موش انت لي تحب تعيش بيه .. انت بدلت في روحك برشا حاجات كنت تعشقهم في شخصيتك باش تكسب محبة لعباد و كلمة حلوة عليك في غيابك .. موش سكاكن تقطعلك في لحمك .. انت وليت تكذب على روحك بش يقولو عليك محلاك؟ انت غلطت في حق روحك مليون مرة و وجعت روحك و عذبتها .. انت حبيت لعباد تحبك و عمرك ما خممت تحب روحك؟ انت رضيت لي دايرين بيك عليك و انت مكش راضي على روحك؟ انت و انت و انت ....

هوما مشاو بقيت انت المتعذب الحزين الي تبكي وحدك و مكش حابب روحك .. وينها ضحكتك و وينها فرحتك؟ وينها كرشك لي كانت عاجباتك؟ نحيتها بش ميقولولكش يا سمين يا بو كرش .. باهي وينو شعرك الطويل؟ قصيتو زادة بش ما يقولولكش يا أنثى .. باهي وينو قلبك؟ عفسو عليه؟ انت وصلت روحك هنا .. معندكش شخصية و معندكش ثقة في روحك .. متلوم حد لوم روحك ....