قداش بش نتحمل بعدك عليا كل ما نحاول نقربلكتطوال الثنياقداش بش نخبي ضعفي و قلة حيلتي و بدمعي و تنهيدينعدي في غيابك ليلتيتعبت ، توحشتك توحشت بحة صوتك عقاب اليل توحشت الدمعة من عذابنا عالخد تسيل توحشت كي يهزك النوم مني نحاول نفكك ، نلهيك نحكي و نغني و يغيب عليا صوتك و تغيب نجومي نلقا ليلي ظلام و كثرت غيومي تعبت ،

توحشتك توحشت كي نمشيو و الإيد في الإيد و الوقت بلمتنا أحلا و أزين عيد الدنيا دايرة بينا جنة و نوار و في زينها قلبي هايم محتار نخزرك بجنبي و عينيك ما تفارقنيش نفرح نطير نتنفس و نعيش و بقوة حبك تحضنلي يدياتي و من هاك الغمرة نسجل بداياتي نخزر يمين و نخزر شمال تحت الوديان و فوق الجبال الدنيا قدامي و الوقت طوالنلوج علي حاجة نوصفلك بيها حبي الظاهر منو و الي بين ضلوعي متخبي مش ممكن نلقا ،

حبي ليك ما يتقاس هو الفرحة ، الطيبة و ضحكة هالناسطفل صغير ضيع أمو و لقاها أرض ميتة و ماء المطر هو الي حياها بنية خايغة و لقات بوها معاها يدين باردة و جا الحضن الي دفاها تعبت والله ، توحشتك توحشت خيالك غشك و هبالك سكوتك و دلالك ايجا نحكيو و قول الي يحلالك