فيبالک؟

فيبالک لي انا منک قاعدة نعاني و لي حبک كواني ..

لا نرقد ليل و انا قلبي عليک يساسي و مخي يلعن فيه مرة و مرات يواسي ..

ملقيتش حل تي راني نقاسي ..

و فيبالک؟

لي نت اخر من في مخي و قلبي يتصدر ..

و كلامي ما يخرج كان ما عليک يعبر ..

عليک لازمني نخبر ..

نت لي سارقلي روحي و بلاش بيک عروق قلبي تغبر ..

و فيبالک؟

لي نت النفس لي رجع بعد غصرة الموت ..

و نت دقة القلب لي بلاش بيها حياتي تفوت ..

و نت ضحكة مالجواجي تخرج بأعلى صوت ..

و نت فرحة ستنيتها سنين بعد ما ظنيت لي فات الفوت .. و نت دنيا مزيانة مليانة حب و حنانة بعيدة على برشا غدرة و كذب و خيانة ..

نت برشا حاجات تتحكاش و تتقالش و تتكتبش و تتعبرش و سعات نحسها تتجودش ..

نت حكاية طويلة و بدايتها مفهمتهاش لا كانت صحبة و لا جيرة ..

اما لي نعرفو غرقت فيها و ما بيدي حيلة ..