فديت
Ameni Oueslati - أماني الوسلاتي
فديت
فديت من سلسلة رابطتلي سقاي قال شنوة تحب توريني الثنية
فديت من يد مسكرتلي فمي لا نحكي لا نشكي همي
! فديت من أسكت، إحشم و عيب في زمان لا فيه لا صاحب لا طبيب
...فديت
فديت من عنين كي تخزرلي تقول " الله يستر جميع المومنين
فديت من كلام الناس إلي لا عندو لا راس لا ساس
فديت من استر، غطي و خبي على حاجات بيني و بين ربي
...فديت
فديت من عمري إلي تعدى وراء القواعد يجري
فديت مالحصرة خاطر هو ذكر و انا أنثى
! فديت، ندمت و عييت إلي عالدنيا جيت
...فديت
فديت، فدت و فدينا إلي احنا نساء جينا
اليوم تكلمنا و عارفين إلي غدوة بش يحكيو بينا
! أحكيو، لوموا و ذموا إلي كيفنا اش يهمو
أماني الوسلاتي
Website Design Brisbane