خواطر ما بعد منتصف الليل
Abir Hammemi - عبير الهماميغمضت عيوني و سرحت بخيالي
تخيلت حلمت و ألفت الي يحلالي
خرجت من بيتي و الدنيا ضلام
مشيت أول خطوة في أحلا الأحلام
حليت الباب و للشارع خرجت
هزيت راسي و في سحر اليل تفرجت
رفرفت بجوانحي و عليييت
من خنقة الحيوط أنا مليت
و ببرودة ألنسمة أنا حسيت
طرت بجوانحي حرة
وخرجت كل وجيعة علي برة
طرت تحررت لأول مرة
حلقت بعيد بعيد
وكل مرة نبعد و نزيد
هربت من دنيا بلاش بيك
جوانحي ليوم جابوني ليك
ريتك من شباك بيتك
و جيتك
دخلت و ساقيا عالأرض نزلت
جبتلك معايا أحلي النجوم
ريحة مسك اليل و المشموم
فرشتلك الأرض زرابي و مرقوم
و عزفتلك علي أوتاري المزموم
قلبك دق ، حليت عينيك
موش مصدق الي داير بيك
خطيت خطواتك و جريت
مالفرحة هبلت و جنيت
عنقتني و قتلي هيا
نمشيو لجنتنا طير بيا
هيا نبداو أحلي ثنيا
حضنتك و كبست علي يديك
رفرفت جوانحي وطرت بيك
من شباكك خرجنا لفرحتنا
أنا و انت و دنيا لمتنا
هزيتك بعييد و تفرجنا
في سحر اليل و زينو أحنا عشنا
جبتلك النجوم ليديك
خزرتلهم و ضحكت عينيك
ضحكتلك وحطيتك فوق جناحي
موش خايفة ، انت القوة ، انت سلاحي
تعدا الوقت و شمس النهار بدات تطلع
و عينيك مالفرحة تحكي و تلمع
رجعتك لفرشك و حكيتلك هالأحلام
تبسمت في غفوتك و قتلي أحلي كلام
تكيت بجنبك
قريبة من قلبك
غمضت عيوني و سرحت بخيالي
و بيك نحط النهاية الي تحلالي
عبير الهمامي
Website Design Brisbane