عسلامة ..

اول حاجة عيشک خاطرک وقفت هنا بذات و قاعد تقرا في كلامي ..

ثاني حاجة حبيت نقلک انا ماليوم صديقتک ولا حتى اختک كان تحب ..

سمحني على خاطرني شديتك ب كلامي ..

تره ركز معايا .. لا لا موش بمخك .. خرجلي روحك تقابلني .. خليني انا و هي قراب صحاب و حباب خليني معاها لحضة من زمان ..

كمل أقرا تو ..

فرحت ليوم؟

موش انت بش تجاوبني .. حاشتي ب جواب من روحك ..

لا مفرحتش..

باهي عملت حاجات تحبها و استمتعت باها ليوم؟

لا زادة ..

باهي خرجتش تفرهدتش سيبتش تاليفون لحضة و شطحت غنيت و هبلت؟

كيف كيف لا ..

باهي بكيت ليو.....

اي بكيت ..

شبيك خليتنيش نكمل كلامي ..

باهي اسكت و اسمعني ..

انت ليوم حزنت و بكيت تقهرت و فديت .. انت ليوم تفكرت كل شي خايب صارلك و عملتهم كل و تعدى نهار خسارة انت ليوم ما عشتش انت ليوم مت ..

اما غدوة بش تحيى ..

اعطي لروحك فرصة غدوة بش تفرح و تشيخ و تضحك من قلبك ..

باهي؟

وعد؟

نرجعلك غودة

تنساش تفرح