تخيّل تموت اللهفه ؟

تبرد و تبلاح تفسد المحبة تدوان ..

تخيلني نهار منشوفكش ، نتعدىّ من جنبك منحسكش .. نسلّم باليد منبوسكش ..

تخيلني باردة عليك ، لا يهمني تشعل و تضوي لا تحيرني و تخليلي دميّ ..

تخيلني ما يهمنيش فيك تمشي و الا متمشيش .. تعمل معاها لي يجي و الا ما يجيش .. حتىّ اني و انا نستنا فيك ننسى و ما نبكيشْ ..

تخيلنيّ منجيش نخليك هارب وجهك شاحب منها تاعب و منجيش ..

تخيليني تنادي عليا بصوتك المعذبني و ما نحسكش ، حتى بعينيا ما نتلفتلكش ..

تخيلني عندكْ و منحبّكش منشفش روحك ما نداويش جروحك ما نطفيش نارك و تشعل و لا من يرحمك ..

تخيلني ي وجعيِ معاش انتَ وجعي و تولي كيفهم اخر همي و لا على بالي و لا يهمني ..

تخيلني نهرب منك و مش ليك نمشيِ عندو لي يلوّج عليا مهدود و انت لي رايس السفينه و حتى كي تهيج عليا اواج بحرك باقي نتشبث بيك و نضمّك ..

تخيلتني مرةْ في ابهى حٌلة و انت عند الباب تستنى و نمشي معاه هو و نخليك تشوف بعينيك رزقك تقول انت مطفيّك ..

تخيلني مش ليك كيما العادة بين ايديك .. تخيلني نبكيّ دين ولديك نتعب الروح الي فيك .. تشيح ايديك ممدودة ليا.

تخيلني نمنعك عليا .. تشيح اوراقك تذبل عروقك و ما نرويك ..

ناذيك بيا نجيك و ما نزهيّك ..

تخيلني مش فيك ، روحك فارغه يدك باردة ، شاحب لونك ؛ مخلوضه ضروفك ..

اهيكا هي تشوفك اما تعرف انوّ انا الي بيك ؟

كيفاش مني تداويك ؟

تدعيلك امك و ما تشفيك ..

تخيلني في دارو .. زاهية فرحانه نضحك ما نبكي ..

نغني بصوتي لي يبهذل بيك و نوجعك نهد الحيل لي فيك ..

تخيلني ام صغارو ؛ ليه دلالي و ما يطلع من هبالي ..

تخيلني نسهرك و نمشيلو و نخليكْ .. تستاني و ما نرجعلك كان كي طيح بيا ليك..

تخيّلت ؟ هذا حلقة من مسلسل ماهواش باش يوفى ..

*نحبّك للأبد.

---