اﻷيامات ولاو نار و مرار هاذا الي حبيتو و عزيتو و في بين رموش عيني حطيتو.. عليتو علي نعرفهم الكل و قلت هو يكفيني.. فضلتو على الزين و العين علي يدلل و يهلل علي يحبني و عليه نتعزز.. ما هو حتى هو حبني و دللني و هلل بيا.. أما بكاني و وجعني.. و
كبرني عمر على عمري.. بين اندادي نحس في روحي ضايعة..

قداشني تاعبة و قداش ساكني التعب.. الي قلي انتي حياتي و روحي قتلي و خلاني بلا روح.. خذا روحي عايش باها و انا بقيت بلا روح.. ماو هو الي قلي حتى و إنتي بعيدة روحك معايا و نجم نعيش.. و انا.. أي انا باش نعيش و إنتي بعيد انا نخلقك معايا باش نجم نكمل نكذب على روحي و نعرف الي انا نكذب اما نزيد نكذذب روحي باش نحسك معايا.. انتي تنجم و غيابي ظاهر ما يأثرش فيك خاطر بالحق روحي معاك و قلبي متعلق كان بيك تي الكلو اصلا ليك..  للدرجة متحنش و متحسش..

مش انا الي حبيتك و من عروقي خيطلك غطى و في عز بردك دفيتك؟ مش انا الي من ريقي سقيتك..؟ و مبن ريقك يا روحي و محلاك و إنتي بين اديا؟ مش انا طريقك و عايشلي.؟ مش انا الي تستنى فيها باش تولي حلالك..؟؟

مش انا الي صحت بأعلى صوتك و قتلي نحبك..؟   

مش انا الي قتلك كي تخليني تضيع و نتوجع و إنتي قتلي منحملش فيك دقت الشوكة.. و دموعك توجعني..

هاك حملت و وجعتني و بكيتني..

للدرجة ماتتوحشنيش..؟؟ ما نجيش على بالك في نهار..؟؟ كي تشوف ابالاتي ماتتحيرش؟؟

باهي ميسالش اجاني راني توحشتك.. إجا عنقني كيما آخر مرة..

تتفكر كيفاه كبست عليا و قتلي هاذا كلو مالوحش؟؟

تتفكر؟؟

اجا بركا يزيك ما بقيت وحدك.. يزيك مالبعد..

الي يحب يلقى الف سبب باش يمشي أما يبقى.. الي يحب..