محلاها كي عبد يبدى فرحان بحياته .. بعايلته .. بأصحابه .. بخدمته ..

عبد كي يحط راسه على المخدة يبدى راضي على اللي عمله ...

انا نؤمن اللي ربي خلقنا في الدنيا هذه بش نعيشو فرحانين ... بالرغم من المشاكل اللي يندم يتعرضلهم العبد .. بالرغم من الظروف اللي تتفرض عليه .. و بالرغم من التعويجات والكفوف اللي تعطيهملوو الدنيا .. ديما في الاخر فما فرحة ...

مدامك مازلت حي كل يوم فرصة بش تعيش فرحان .. كل يوم فرصة بش تعاود تبني .. كل يوم فرصة بش تحقق اللي حلمت بيه الكل .. و كل يوم فرصة بش تاقف لروحك و تطور من روحك و تشد صحيح بش توصل للي حاجتك بيه ... و بش توصل ان شاء الله

سيب هبالك .. مش يلزم ديما انت العبد الرزين .. باهي برشا كي تتصرف على طبيعتك .. تخمم في حاجة مقربعة أعملها  مادامها بش تفرحك .. اشتهيت بحر والا Gـلاس في الشتاء .. أعملها ما تخللي شيء في قلبك ..

أقتنع اللي انت ما تولدتش في الدنيا هذه الا لسبب .. اسأل روحك عليه تو تعرفه 

عمرك ما سبب مشكلة تحطه في غيرك.. ديما حط روحك انت السبب .. مش بش ضميرك يبقى يأنب فيك اما بش تنجم تصلح ...

عمرك ما ترضى بعلاقات تسببت في تعبك و في دموعك .. علاقات بعدها معادش تنجم تعرف روحك.. علاقات تستهلك من راحتك وصحتك .. صحاب و الا غايلة و الا حب ينقص منك و من طموحك و على خاطر كلمة نحبك ينقص من احترامك ..

عمرك ما تعمل حاجة ما تحبهاش و ماكش مقتنع بيها على خاطر اي عبد .. تحب تخدم فلاح و الا رسام .. مش ملزوم عليك تعدي 10 سنة تقرا مدسين بش بعد تخدم في حاجة متحبهاش لمجرد انه العباد اش بش يقولو ...

عمرك ما تستنى الفرحة من غيرك خاطر الفرحة تزوول كي يبعد.. حاول فرّح روحك .. اللي تستناه من غيرك أعملو لروحك .. فاجئ روحك كان لزم و أحكي مع روحك.. أفهم روحك قبل ما تستى عبد يفهمك .. كي تعمل حاجة باهية ما تستنى الشكر من حد .. دلل روحك و كافأها خاطر تستاهل .. عنّق روحك كي ما تلقى شكون تعنق و حب روحك كيما ما ينجم يحبها حد خاطر تستاهل