في الحب، صحيح فما الصادق ؛ و فما اللي نافر حبك جافي.. فما اللي يمد ايدو في طيحتك يهزك ؛ و فما اللي يدزك بوجه يضحك صافي.. يخليك مرمي يخاف ايدو تمسك ؛ و يرضى في وسط الشوك يشوفك حافي .. مالا يا ناسي لا لا ما تنسى ؛ يدور الزمان و يخلص بالوافي .. خوذ مني نصيحتي و كلامي ؛ جرحك الغارق غدوة يصبح شافي ..

غدوة ربيعك يزهى و الورد يفتح ؛ و بضحكة والله تتذكر ليام.. و يجيك اللي في زمانو باعك ؛ اليوم بيعو بأرخص الأسوام .. رد بالك يلين قلبك و تحن ؛ و تقول رفيقي ما عليه ملام .. و تقول طبعو بنادم كي يغلط ؛ في لحظة غش يقول ياما كلام ..

يا صاحبي بخلاف أمك ما يحبك ؛ لا عشير و لا حتى أنسان .. ابكي على كتفها تحمل همك ؛ وحدو حضنها تلقى فيه الامان .. ادعي ربي يطول في عمرها ؛ و تحوز بلاصة في جنة الرحمان ..