Sihem Hannachi - سهام الحناشيكيف يرجع قولولو استنات...جرات ورى خيالك لين حفات... تصويرتك بين طيات حوايجها خبات...و كيف قالولها تتفكر كذبت و قالت نسات...عالجمر في بعدك عفست و قداش بكات و عانات...لا فهمها لا قريب لا بعيد لا صحباتها اللي كالخوات...
حبها صدوه من ثنيتو ردوه هبال سماووه...و هي تحلف بيه و تمن...و باخلافك راجل عمرها ما حبت و عمرها ما تخمم...
و انت ؟،في بعدك عايش كالسلطان...تحوص بين الاوطان...كالطير الحر ما يحط في مكان...و خليت قلب منسي وراك كالحجر بعد ما تشيح من فيضتها الوديان...خليت وراك حب ما تنطقوش الحروف اما في العينين يبان...
كيف يرجع قولولو مشات...مشات لبعيد...لبر بارد غريب...بر ما فيهوش أخبارك و خنارك...غشك و خصامك، عشقك و غرامك...
Sihem Hannachi - سهام الحناشي
Sihem Hannachi - سهام الحناشي
Sihem Hannachi / Wael Babay - سهام الحناشي / وائل باباي
Sihem Hannachi - سهام الحناشي