في  صدري قلب مجروح.. حب يبوح.. في  صدري قلب عندو عوام  ينزف.. في حاجة لطبيب يداويه..

قلبي  صعيب.. ميحبش حد غريب.. في  صدري قلب يخاف يتجرح من جديد.. يخاف يضيع .. يتمنى يخرج مالقفص..

يحب يصيح.. يحب  يجنح ويطير..

في  صدري قلب حنين.. يتمنى يسمع كلام جديد..

حبيتك في تصويرة .. وكل ما نتفكرك نرجع للتصويرة وفي نهاروليلة .. شفتك في شارع كلو عباد .. قلت زعمة هذا هو صاحب التصويرة .. وقفت وإسالت .. انت فلان 

وفي لحظات انسيت روحي .. ناس ماشية وناس جاية .. وانا وهو وحدنا في البلاد .. قلي مش انتي فلانة قتلو انا هي .. روحت وانا فرحانة .. كتبلي محلها صدفة....وقلي انا راني انتبع فيك عندي مدة .. قلي تمنيت انراك وتحققت امنيتي في نهار و ليلة .. قلي ياكبدي وين كنت متخبية قتلو موجودة اما كنت نستنى في صدفة و انا عين يا مافارقتش التصويرة

ماتحقرنيش انا راني فنانة... ماتحقرنيش انا راني ما تولتش فريش... ما تحقرنيش خاطر بابا فلاح صغير... و احلامي غارقة في بير... ما تحقرنيش خاطرني بنت ريف...

ما تحقرنيش انا راني فنانة في كلامي... فنانة في رسمي... فنانة في حبي... ما تحقرنيش وتقول طفلة هذي فاش تقول... انا فنانة وفني عبارة على مرة لابسة خلخال وعامل وشام وخمسة وحزام... اما نرجع ونقلك ما تحقرنيش انا راني فنانة