في الظلام بنيت عالم في سلام... في الظلام عملت حياة بعيدة على لعباد... عالم فيه نعيش...فيه نشكي و نبكي و حد ما يراني...ظلامي ساترني و ساتر عيوني ...فيه نعيش وحدانية و حد ما يخمم فيه ايطل عليا...في الظلام الحس بات كان السكات...

كان الاحاسيس فيه تحكي و من القلب يشكي...في الظلام كلام بلا حروف عياط بلا صوت بكى بلا دموع اما كلهم حسهم مسموع...القلب يشكي و يبكي و العقل يامر و ينهي الحرب بيناتهم تقوم...و توفى بشكون الظالم و شكون المضلوم.... هذا كل ما تشوف لعيون ...

تحت جناحك خلاها ،

في ضلعك خباها و فوق راسك علاها،

و في قلبك دخلها و سكر علاها،

كون لها كتف وقت الضغف تطيح عليها،

عينيه بنية غامقين و فيها اللمعة و الزين...قلبو معبي اما هوا مخابي... لا يحكي لا يتكلم ما تسمعو كان ايسلم ...سكاتو واضح ويبان هادي و بلاش هموم...اما ايجا قرب شوي و ركز في العيون مليح ترا الحزن قريب ايصيح... تفهم سكاتو مش من هوايتو...

اما الدنيا علمتو السكات بالقوة و بسيف ...نتبع من بعيد لبعيد نحس ابخنقتو اما منجمش نقرب و نتكلم ... نخاف نزيد عليه و نذكر بوجيعتو و نعرف طبيعتو ... خاترنا كيف كيف ... و كيف ما يقولو ما يحس بالجمرة كان لعافس علاها و احنا لثنين عافسين على نفس الجمرة...نسيت وجعتي و حزني كيف ريت عينيه ...تمنيت لو كان ناجم نهز وجيعتو كلها بمرها و نريح و نهنيه... ونشوف الفرحة و الضحكة على وجه من جديد...اما فات الفوت لولد قلبو برد و ماعاد يوثق في حد... لوجيعة سكناتو... اللطف كيف لمرض مكناتو... بهتاتو و ضيعت الوان حياتو ... وجيعة و سكات هكا كيفاه تتعدى ليامات