لواه تلوم عليه..

انت أدرى الناس بماضيه..

تي إنت ماضيه..

إنت حجرة الي شادة الواد..

صوتك الدخلاني...ساعات يضيق بيه و يحب يتكلم و ينطق..الصوت هاكا نحنا ديما نقمعوه..يا إما خاطرنا متربين برشا و إخترنا نسكتوا و ما نرجعوش..وقتلي بلحوحك يبدا يرعش بش يخرج مخبل في كبة..بش يسب و يصيح..و خلي يقول مش متربي..تي يلعن بو التربية..ما عباتنا عقد كان هيا...

الصوت هذا يتقمع زادا كيف تحب تقول حاجة أما مراعاة لمشاعر الآخرين تقول أيا مش وقتو خلي في ساعة سعيدة..و هالساعة مكبوبة السعد ما تجيش..والأدهى و الأمر إلي عمرو ما حد ستنى ساعة سعيدة بش يرميلك في وجهك قنبلة و إلا يعطيك كلمتين في العظم...مثلا المرا الي لقيتها في الفارماسي اليوم و انا ماشية نوزن ساق لقدام و عشرة لتالي..

انا شوية

وانت برشا...

سكاتك برشا..كلامك حتى كانو شوية..برشا

انت برشا زين..برشا عين

نحب..

زعما أنا آش نحب

نفرغ و إلا نتعبى

نبان و إلا نتخبى

نتبنى و إلا نتهد

تحب تقلب الصفحة

تطويها...تخبيها..

تحرقها..وإلا حتى تغرقها

ما تتقلبش..