اليوم باش نحكي على حي الزيتونة محلاه هذاكا الحي وين تربيت و وين عرفت الدنية محلاه خاصتا في الصباح وين الشجرة تنفست و خرجت منها ريحت الارض البنينة و بدات الناس تخرج من العمارات متوكلين على ربي وكل واحد باش ياخذ ثنيتو و هوني شدتني حكايات صنعتها في مخي و بيني و بين روحي.

مرى تحل في شباك بيت  ولدها ولدها الي عدا صهريتو في بيت ظالمة ينورها كان ضوء التاليفون يتكيف في جرت بعضو و يتذكر بنت الجيران الي كبرت قدامو و حب يبني معاها احلامو نهارت الي تشجع و قلها راني حبيتك و نحب نولي تصويرة في بيتك قلتلو اي شبيه الفايدة في الهناء

لساعة نصف النهار و درجين اليوم نهار جمعة نهار فضيل المكان قهوة خالد غادي وين نقعد مع روحي شيشتي منصوبة و كاس تاي منعنع بزايد قارس فوق الطولة وحدي الساق على الساق النفس ياخو خوه و الدخان خارج من الجواجي يلاجي الناس مشغولة في حكايات فيها التافه و فيها المهم الي يحكي على الكورة و الي يحكي على الدين و الي يحكي على السياسة و الي يحكي على البنات و البطولات متاعوا معاهم و انا في وسط هذي الخماضة الكل نحاول نكتب حاجة و نرتب افكاري حاصيلو خماضة من داخل و خماضة من برى في وسط هذا الكل تذكرتها كان هي

إيجا بحذاية عندي ليك حكاية

إيجا نحكيلك علي شفتوا في عينيك

إيجا نقلك شحسيت كيف شديت يديك إيجا و متسيبنيش العيشة خايبة بلا  بيك

إيجا يالي مسهرتني ليالي يا شاغلتلي بالي

زعمى شبيها الڨمرة إلي تضوي ليالينا حزينة

زعمى علي قاعدة في تركينة و لا على الدنيا المغمومة

زعمى على الناس المهمومة و لا على إلي عندوا ألف خصومة و خصومة

زعمى على جيعان على العريان تي انا بيدي منيش فرحان زعمى علاش

صحبتنا كانت صحبة غير ربع كنت مانيش فاهم ياخي احنا مع بعضنا و لا ياخي انت متاعي انا اكهو و لا انت متاع الناس الكل ياخي الكلام الي كنت تقولهولي كان ليلي ولا سمعوه برشا عباد لين ولا كيف الديسكي المجروح

زعمى انا و انت نفس الاحساس نفس المخ ساعات نحسك قريبتلي برشا نحسك متخبية الداخل في قلبي و بين عينية و سعات نحسك بعيدة بعد السماء والأرض نشوف فيك ضبابة اما انا كنت فاهمك كنت قاريك قراية كنت نحس بيك من هاكم العنين الذابلين و من هاكي الضحكة الباردة الي مخبية برشا وجيعة و برشا كلام