Développé par Création site internet freelance
|
عدات عشية كاملة على اعصابها ..ماشية جاية في وسط الدار ..تعس على التليفون تستنى في مريم وقتاش تكلمها ..اول ما كلمتها و قالتها روحت مش عارفة كيفاش طارتلها ..قعدت يجي ساعة تستجوب فيها و زادت تشجعت كيف لقات عفاف في دار خالتها ..
اسمع نحبك تهبلو خليه يحبك يموت عليك و بعد تجبد بيه ..حمى و الله خايفة كان يسمع فاروق اخطانا خلي الحكاية توفى هوني ...شنوة مريم امان مش وعدتني ياش تعاوني فيسع تاثرت بكلام عفاف..حمى راو مش ساهل الي طلبتو ..
شاف التليفون بالصدفة يلقى نومرو ميعرفوش تنطر من بلاصتو جا قاعد عينيه تحلت يثبت و يعاود ..زعمة هي ..هي الي يستنا فيها ليه ثلاثة ليالي .. منجمش يصبر كلمها ..جاه صوت رقيق صوت حفضو ملي سمعو ..الوو ..الو سامحني لقيت النومرو هذا مكلمني..
سي انيس معايا..اي اي..انا مريم تفكرتني الي عاونتني عالكرهبة المرة الي فاتت..اااه اي اي تفكرتك ..حبيت نقلك مرسي و كان ميقلقكش نستدعاك على café..كان يخمم كيفاش يلقالها دخلة باش يعاود يراها فاجأتو هي و وفرت عليه برشا وقت..
مريم ..امان احكيلي شنوة الي صار بضبط ؟ ..عفاف : حمة يزي سيب الطفلة توا ثلاثة ايام و انتي تعاود في نفس الهدرة ..حمة : مريم شعندك فها ركز معايا انا ..مريم: تي والله اداكا الي صار ..ماو شدينا جرتو وقفت وراه فالباركينق و هو دخل لكارفور يقضي و انتوما تخبيتو اكهو هو خرج و انا واقفة بجنب الكرهبة قربت منو قتلو بربي مسيو العجلة تفشتلي ميسالش تعاوني نبدلها تردد ماللول شوية و بعد نحى الفاست رماها في كرهبتو و رجعلي بدلي العجلة الي فشيناها ..
عفاف قست عليها ..هي و بعد مدلك الكرت متاعو فيها نوامرو و قلك مدابيا نعاود نراك كلمني في اي وقت ..مريم ..هههههه اي والله هكا ..حمة : اكهو مقلكش حاجة اخرى نعرفو راو ساقط... اسمع كلمو اكهو راو يستنى فيك ..عفاف نفخت و قامت من بلاصتها خزرت احمى خزرة كلها غش معاتش تنجم تشد روحها ..
حمة مشات للقهوة صحيح أما ما خدمتش برشا تفاهمت مع الروج بش يسكرو على بكري .. مللي دخلت و العينين عليها بش ياكلوها ريقتهم سايلة عليها تقول عمرهم ما شافوها كلام فاروق طلع صحيح هي بيدها ماضهرلي كان بش تنجم تخدم هكا ملي تبدلت هي و حياتها الكل تبدلت معاها توا فهمت كلام فاروق قعدت وحدها ادور في عيناها فالقهوة في كل تركينة فيها ما بدلت شي ملي مات بوها زادت كان تصويرتو ورا الكونتوار ..
كل شي كيف ما خلاه حتى الطواول و الكراسي ضاهرين قدم .. قربت مالتصويرة عدات يدها عليها قعدت تثبت في بوها في غزرتو يقولو اللي هي تشبهلو برشا و عندها غزرة صحيبة كيفو .. تنهدت ... آه يا حاج آش عملت فيا كان تعرف بنتك قداش قاعدة تعاني لا رتحت و هي مسترجلة و لا و هي مرا ... حمة فاش تعمل .. دارت مفجوعة .. عفاف مريم آش مجيبكم .. عفاف : هكا تفرح بينا ... مريم : شفناك كيفاش خرجت متغشة ليوم من عند فاروق جينا انطلو عليك .. حمة جبدت زوز كراسي قعدو عليهم .. أقعدو تو نحكيلكم .. حكاتلهم عالمشكلة .. حمة : هذاكا اللي صار و انا توا حايرة راي قهوة الحاج منجمش نتخلى عليها بالساهل تي تربيت فيها ...
حمة نحات الصباط ساقيها منفوخين من كثرة المشي اللي مشاتو اليوم هبطت يدها تمسد فيهم .. أي أي ساقي بش نموت بتعب السماح كنت مرتاحة على روحي ..عفاف : هذاكا خاطر ستانست ديما تعفس في سبادري تو تستانس و زيد عزيزتي أذاكا الشوبينق ماله في بالك ساهلة الأنوثة ..
مريم : هههههه تو ترا فاروق كيف يشوفك بالحوايج الجدد يهبل ... حمة تبسمت تحسست الخاتم في يدها تلعب بيه في صوابعها ... عفاف : ها ها وين سرحت أيا برا قوم قيس الدبش خلي نشوفوه عليك .. حمة غزرتلها مفجوعة : فك عليا ماو قستو فالبوتيك قداش من مرة ..
|
|
Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 94 Warning: Illegal string offset 'active' in /home1/datalyz/public_html/tounsia/templates/tounsia4ever/html/pagination.php on line 100 |
Zaineb S. - زينب س